ডিজিটেল ডেস্কঃ শীঘ্ৰেই আমেৰিকা যুক্তৰাষ্ট্ৰ ভ্ৰমণ কৰিব ৰাহুল গান্ধীয়ে। ৩১ মে’ৰ পৰা ১০ দিনীয়া আমেৰিকা ভ্ৰমণত ব্যস্ত থাকিব তেওঁ। এই সময়ছোৱাত তেওঁ নিউয়ৰ্কৰ মেডিচন স্কোৱাৰ গাৰ্ডেনত প্ৰায় ৫ হাজাৰ প্ৰবাসী ভাৰতীয়ৰ এক সমাৱেশত ভাষণ দিব। লগতে ৱাশ্বিংটনত পেনেল আলোচনাতো অংশগ্ৰহণ কৰিব।
ইয়াৰ উপৰিও গান্ধীয়ে কেলিফৰ্ণিয়াৰ ষ্টেনফৰ্ড বিশ্ববিদ্যালয়ত ভাষণ প্ৰদান কৰিব। কংগ্ৰেছ নেতাগৰাকীয়ে তাৰ ৰাজনীতিবিদ আৰু উদ্যোগীসকলকো সাক্ষাৎ কৰাৰ কথা।
উল্লেখ্য, ইয়াৰ পূৰ্বে মাৰ্চ মাহত ৰাহুল গান্ধীয়ে ব্ৰিটেইন ভ্ৰমণ কৰিছিল। সেই ভ্ৰমণ ৰাহুল গান্ধীয়ে কেম্ব্ৰিজ বিশ্ববিদ্যালয়ৰ লগতে ব্ৰিটিছ সংসদতো ভাষণ প্ৰদান কৰিছিল। দুয়োটা ভাষণতে মোদী চৰকাৰ তীব্ৰ ভাষাৰে সমালোচনা কৰাৰ লগতে মোদীৰ আমোলত ভাৰতীয় গণতন্ত্ৰ সংকটাপন্ন বুলিও মন্তব্য কৰিছিল ৰাহুল গান্ধীয়ে।
ৰাহুল গান্ধীৰ সেই ভাষণে দেশৰ ৰাজনীতিত তোলপাৰ লগোৱাই নহয় শাসকীয় বিজেপিৰ মন্ত্ৰীয়ে বিদেশৰ ওভতি অহাৰ পাছতে ৰাহুল গান্ধীক নিচৰ্ত ক্ষমা খোজাৰ লগতে গ্ৰেপ্তাৰৰো দাবী কৰিছিল।
Continue Reading
