ডিজিটেল ডেস্ব: দেশৰ সীমান্তৱৰ্তী অঞ্চলেৰে চুবুৰীয়া দেশৰ সৈতে চোৰাং যুদ্ধাস্ত্ৰ সৰবৰাহৰ এক বৃহৎ বজাৰ গঢ়ি তুলিছে কিছু চোৰাং চক্ৰই। এনে এক চক্ৰই সীমান্তৰ সিপাৰলৈ অত্যাধুনিক অস্ত্ৰ-শস্ত্ৰৰ এক বৃহৎ ভাণ্ডাৰ সৰবৰাহৰ চেষ্টা চলাওঁতেই জালত পৰিছে পঞ্জাৱ আৰক্ষীৰ। আজি পঞ্জাৱ আৰক্ষীয়ে এক অভিযান চলাই সীমান্তৰ সিটো পাৰলৈ অস্ত্ৰৰ চোৰাং সৰবৰাহত জড়িত চক্ৰৰ তিনি সদস্যক গ্ৰেপ্তাৰ কৰে আৰু তেওঁলোকৰ পৰা অত্যাধুনিক অস্ত্ৰ-শস্ত্ৰ আৰু গোলাবাৰুদৰ ভাণ্ডাৰ উদ্ধাৰ কৰে।
আৰক্ষীয়ে এই তিনি ব্যক্তিৰ পৰা ১.০১ কোটি টকা নগদ, ৫০০ গ্ৰাম হেৰ’ইন, ১৭ টা পিষ্টল আৰু ৪০০ টা কাৰ্ট্ৰিজ, এটা এমপি-৪ ৰাইফল আৰু ৩০০ ৰাউণ্ড গুলী, দুটা ওজন জোখাৰ যন্ত্ৰ আৰু দুটা মুদ্ৰা গণনা যন্ত্ৰ উদ্ধাৰ কৰিছে।
ধৃত ব্যক্তি তিনিগৰাকীক তৰণ তৰণৰ বৰৱালা গাঁৱৰ সুৰিন্দৰ সিং, অমৃতসৰৰ ভালতোহাৰ ভাতৃ হৰচান্দ সিং আৰু গুৰচাহিব সিং বুলি চিনাক্ত কৰা হৈছে। চোৰাং ব্যৱসায়ৰ সৈতে জড়িত অভিযোগ সন্দৰ্ভত আৰক্ষীয়ে এতিয়ালৈকে পাঁচজনক গ্ৰেপ্তাৰ কৰিছে।
বুধবাৰে পঞ্জাৱ আৰক্ষীৰ কাউণ্টাৰ ইণ্টেলিজেঞ্চ, অমৃতসৰৰ এটা দলে চক্ৰটোৰ দুগৰাকী সদস্য ক্ৰমে জস্কৰণ সিং আৰু তেওঁৰ সহায়ক ৰতনবীৰ সিং নামৰ ব্যক্তি দুগৰাকী গ্ৰেপ্তাৰ কৰে। ইফালে অভিযানকাৰী দলটোৱে দুই ধৃত ব্যক্তিয়ে দেখুৱাই দিয়া স্থানৰ পৰা ১০ টা বিদেশত নিৰ্মিত পিষ্টল উদ্ধাৰ কৰিছিল।
ৰাজ্যখনৰ আৰক্ষী সঞ্চালক প্ৰধান (ডিজিপি) গৌৰৱ যাদৱে এক বিবৃতিত উল্লেখ কৰা মতে নিজৰ ভাষ্যত জচকৰণ আৰু ৰতনবীৰে তেওঁলোকৰ আন এগৰাকী সহযোগী সুৰিন্দৰৰ নাম প্ৰকাশ কৰাত এই তথ্য ব্যৱহাৰ কৰি আৰক্ষীয়ে শুকুৰবাৰে সুৰিন্দৰক গ্ৰেপ্তাৰ কৰে।
Continue Reading
