শীতকালত হাড়ৰ ৰোগে অতিষ্ঠ কৰে বহুতকে জানক...পৰিত্ৰাণৰ এই উপায়

ডিজিটেল ডেস্ক : শীতৰ আগমনৰ লগে লগে বহু লোকে বিষজনিত সমস্যাত ভোগা দেখা যায়। সাধাৰণতে শীতকালত গাঁঠিৰ জঠৰতাকে ধৰি বিষৰ সমস্যা অধিক সৃষ্টি হয়। ইয়াক একপ্ৰকাৰৰ বাতবিষ বুলি কোৱা হয়। এই বাত বিষৰ ফলত গাঁঠিৰ বিষ, ফুলা আৰু জঠৰতা হ’ব পাৰে। অষ্টিঅ’আৰ্থাইটিছ, বাতবিষ, গাউট আদি ৰোগত আক্ৰান্ত হয়। বাতবিষ ৰোগীয়ে শীতকালত গাঁঠিৰ বিষৰ অধিক হোৱা দেখা যায়। 

শীতকালত উষ্ণতা হ্ৰাস পোৱাৰ বাবে শৰীৰত কিছুমান হৰম’ন আৰু ৰাসায়নিক পদাৰ্থৰ উৎপাদন বৃদ্ধি পায়। এই হৰম’ন আৰু ৰাসায়নিক পদাৰ্থই গাঁঠিৰ ফুলা আৰু বিষৰ বাবে দায়ী। ইয়াৰ উপৰি শীতকালত গাঁঠিলৈ তেজৰ সোঁত হ্ৰাস পায়, যাৰ ফলত বিষ আৰু জঠৰতা বৃদ্ধি পাব পাৰে। শীতকালত বাতবিষৰ বিষৰ পৰা সকাহ পাবলৈ তলত দিয়া ব্যৱস্থাসমূহ ল’ব পাৰি-

* গাঁঠিবোৰ গৰম কৰি ৰাখক-

শীতকালত গৰম কাপোৰ পিন্ধক আৰু শৰীৰটোক গৰম কৰি ৰাখক। ইয়াৰ বাবে আপুনি গৰম পানীৰ বেগো ব্যৱহাৰ কৰিব পাৰে।

* নিয়মিতভাৱে ব্যায়াম কৰক-

নিয়মিত ব্যায়ামে গাঁঠিবোৰ শক্তিশালী কৰি বিষ কমোৱাত সহায় কৰিব পাৰে। অৱশ্যে ব্যায়াম আৰম্ভ কৰাৰ আগতে চিকিৎসকৰ পৰামৰ্শ লওক।

* আপোনাৰ ওজন নিয়ন্ত্ৰণ ৰাখক-

অতিৰিক্ত ওজনৰ বাবে গাঁঠিৰ ওপৰত চাপ পৰে, যাৰ ফলত বিষ বৃদ্ধি পাব পাৰে। গতিকে ওজন নিয়ন্ত্ৰণত ৰাখিব।

* যথেষ্ট টোপনি লওক-

পৰ্যাপ্ত টোপনীয়ে শৰীৰ সুস্থ হৈ উঠাত সহায় কৰে।

* মানসিক চাপ হ্ৰাস কৰক-

মানসিক চাপে গাঁঠিৰ বিষ বৃদ্ধি কৰিব পাৰে। গতিকে মানসিক চাপ কমোৱাৰ বাবে যোগাসন, ধ্যান বা অন্যান্য পদ্ধতি ব্যৱহাৰ কৰক।

বাতবিষ হ’লে শীতকালত গাঁঠিৰ যত্ন লোৱা আৰু উপযুক্ত ব্যৱস্থা লোৱাটো গুৰুত্বপূৰ্ণ। ইয়াৰ ফলত বিষৰ পৰা সকাহ পোৱাৰ লগতে কাম-কাজ উন্নত হ’ব পাৰে।