ডিজিটেল ডেস্কঃ সঘনাই হ’বলৈ ধৰিছে ভূমিকম্প। এয়া এক উদ্বেগৰ বিষয় হিচাপে বিবেচনা কৰিছে জনসাধাৰণে। আজি পুনৰ ভূমিকম্প অনুভূত হয়।
এইবাৰ দিল্লীকে ধৰি উত্তৰ ভাৰতৰ একাধিক স্থানত ভূমিকম্পৰ জোকাৰণি অনুভুত হয়। মঙলবাৰে দুপৰীয়া প্ৰায় ১:৩০ বজাত এই ভূমিকম্পই জোকাৰি যায়। জানিব পৰা গৈছে যে এই কম্পন ১০ ছেকেণ্ড ধৰি হৈছিল।
সকাহৰ খবৰ যে এই ভূমিকম্পৰ ফলত এতিয়াও কোনো লোকৰ হতাহতৰ খবৰ পোৱা হোৱা নাই। চণ্ডীগড়, পঞ্জাৱতো এই ভূমিকম্পৰ জোকাৰণি অনুভৱ কৰা হৈছিল।
প্ৰাথমিক প্ৰতিবেদন অনুসৰি, জম্মু আৰু কাশ্মীৰৰ ডোডা জিলাৰ গান্দোহা ভেলেছা গাঁৱৰ পৰা ১৫ কিলোমিটাৰ দূৰত্বত, ভূগৰ্ভৰ ৬ কিলোমিটাৰ গভীৰত আছিল ইয়াৰ উৎপত্তিস্থল।
জম্মু-কাশ্মীৰতো মঙলবাৰে দুপৰীয়া শক্তিশালী ভূমিকম্পৰ জোকাৰণি অনুভৱ কৰা হয়। ভূমিকম্পৰ মাত্ৰা আছিল ৰিখটাৰ স্কেলত ৫.৪। এই তথ্য সদৰী কৰিছে ইউৰোপীয় ভূমধ্যসাগৰীয় ভূকম্পবিজ্ঞান কেন্দ্ৰই।
Continue Reading
