ডিজিটেল ডেস্কঃ শিশুৰ খোজ কঢ়া, বহা, খোৱা, দাঁত ওলোৱা আদিৰ এটা নিৰ্দিষ্ট সময় থাকে। কিন্তু এইবোৰ আগতীয়াকৈ বা পলমকৈ ঘটিলে ভৱিষ্যতৰ সন্দৰ্ভত কিছু শুভ বা অশুভ লক্ষণ পোৱা যায়। সাধাৰণতে শিশুৰ প্ৰথম দাঁত ৬ মাহ বয়সত গজিবলৈ আৰম্ভ কৰে। জ্যোতিষশাস্ত্ৰত দাঁত ওলোৱাৰ প্ৰক্ৰিয়াটো অতি গুৰুত্বপূৰ্ণ বুলি গণ্য কৰা হয়। শিশুৰ দাঁত ওলোৱাটো কোন মাহত শুভ আৰু কেতিয়া অশুভ হয় জানো আহক।
কিছুমান কেঁচুৱাই জন্মতেই দাঁত লৈ জন্ম হয়। যদি এনে শিশু জন্ম হয় তেন্তে এয়া পিতৃ-মাতৃৰ বাবে অতি বেদনাদায়ক বুলি চিহ্নিত হয়। কেৱল এয়াই নহয় পিতৃ-মাতৃ দুয়োৰে স্বাস্থ্যৰ ওপৰত ইয়াৰ নেতিবাচক প্ৰভাৱ পৰে।
সাধাৰণতে শিশুৰ তলৰ দাঁতবোৰেই প্ৰথমে গজে। কিন্তু কেতিয়াবা যদি ওপৰৰ দাঁতবোৰ প্ৰথমে গজে তেন্তে ইয়াক শুভ বুলি গণ্য কৰা নহয়। শিশুৰ মাতৃৰ ফালৰ বাবে ই শুভ নহয় বুলি কোৱা হয়।
কোন মাহত দাঁত গজিলে শুভ বুলি গণ্য কৰা হয়?
জ্যোতিষশাস্ত্ৰৰ মতে জন্মৰ প্ৰথম মাহত দাঁত ওলোৱাটো শুভ নহয়। এনে সন্তানে নিজেই জীৱনত বহুতো সমস্যাৰ সন্মুখীন হ’বলগীয়া হয় বুলি বিশ্বাস কৰা হয়।
দ্বিতীয় মাহত দাঁত ওলালে শিশুটিৰ ভাই-ভনীৰ কষ্ট হয়।
তৃতীয় মাহতো দাঁত ওলোৱাটো শুভ বুলি গণ্য কৰা নহয়।
জ্যোতিষশাস্ত্ৰ অনুসৰি চতুৰ্থ মাহত দাঁত ওলোৱাটো শিশুটিৰ পিতৃ-মাতৃৰ বাবে শুভ নহয়।
পঞ্চম মাহত দাঁত গজিলে শিশুটিৰ জ্যেষ্ঠ ভাতৃৰ বাবে শুভ নহয়।
ষষ্ঠ মাহত দাঁত গজিলে শুভ বুলি গণ্য কৰা হয়। ইয়াৰ ফলত পৰিয়ালৰ আৰ্থিক অৱস্থা উন্নত হয়।
সপ্তম মাহত দাঁত ওলোৱাটো পিতৃৰ বাবে শুভ বুলি গণ্য কৰা হয়।
অষ্টম মাহত শিশুৰ দাঁত ওলোৱাটো মোমায়েকৰ বাবে বেদনাদায়ক।
নৱম মাহত দাঁত গজিলেও শুভ বুলি গণ্য কৰা হয়।
দশম মাহত দাঁত ওলালে শিশুৱে জীৱনত সুখ পায়।
এঘাৰ মাহত দাঁত ওলালে শিশুটিৰ জীৱনত সুখ-শান্তি থাকে।
বাৰ মাহত দাঁত গজিলে শিশুটিৰ জীৱনটো ধন-সম্পত্তি আৰু খাদ্যৰে ভৰি পৰে।
Continue Reading
