ডিজিটেল ডেস্কঃ ছ'চিয়েল মিডিয়াত অতি জনপ্ৰিয় যমজ ভগ্নী আন্না আৰু লুচি। আন্না আৰু লুচিৰ চেহেৰাৰ হুবহু মিল আছে। দুয়ো সদায় একে ষ্টাইলত থাকে আৰু একে সাজপাৰ পৰিধান কৰে। আন্না আৰু লুচিয়ে শোৱা, খোৱা, বহা, ফুৰা আদি সকলোবোৰ একেলগে কৰে। দুয়ো ভগ্নী একে জীৱনশৈলীৰ বাবে সদায় চৰ্চাত থাকে। পাছে এইবাৰ বিশেষ এটা কাৰণতহে আন্না আৰু লুচিয়ে শিৰোনাম দখল কৰে। এই যমজ ভগ্নীয়ে একেজন পুৰুষকে বিয়া পাতিবলৈ ওলাইছে।
আন্না আৰু লুচিৰ বয়স ৩৭ বছৰ। দুয়ো অষ্ট্ৰেলিয়াৰ পাৰ্থত বাস কৰে।আগতে তেওঁলোকৰ প্ৰেমিক বেলেগ বেলেগ আছিল, কিন্তু যোৱা কেইমাহমানৰ পৰা বেন বায়ন নামৰ এজন ব্যক্তিৰ লগত প্ৰেমৰ সম্পৰ্কত আছে আন্না আৰু লুচি।
দুয়ো সদায় একে ৰঙৰ আৰু একে ধৰণৰ কাপোৰ পিন্ধে। দুয়ো একে মেকআপ, ফেশ্বন আৰু ষ্টাইললৈকে মিলাই লয়। এতিয়া সময় এনে আহি পৰিল যে দুয়ো আনকি একেজন পুৰুষকে স্বামী কৰি আদৰিবলৈ প্ৰস্তুত হৈছে আৰু একেসময়তে সন্তানৰ মাতৃ হোৱাৰ পৰিকল্পনা কৰিছে।
আন্না আৰু লুচিয়ে কয় যে তেওঁলোকে সদায় সকলো একেলগে শ্বেয়াৰ কৰে আৰু কেতিয়াও পৃথক হ’ব নোৱাৰে। সেয়ে দুয়ো বেন বায়নৰ সৈতে একলেগে এংগেজমেণ্ট কৰিছে। আন্নাই এক সাক্ষাৎকাৰত কয় যে বহুতে হয়তো ভাবিব পাৰে যে একেজন স্বামীক শ্বেয়াৰ কৰাটো অগতানুগতিক আৰু ভুল, কিন্তু আমাৰ দুই ভগ্নীৰ হাতত আন কোনো বিকল্প নাই।
একেলগে দুই যমজ ভগ্নীক বিয়া পাতিবলৈ সাজু হৈ উঠা বেন বায়নো সুখী হৈ উঠিছে। তেওঁ আশা কৰিছে তিনিওজনে গোটেই জীৱন অতি সুখে-শান্তিৰে কটাব পাৰিব।
Continue Reading
