ডিজিটেল ডেস্কঃ অদিতি ত্ৰিপাঠী নামৰ এগৰাকী ১০ বছৰীয়া ছোৱালীয়ে পিতৃ-মাতৃৰ সৈতে ভ্ৰমণ কৰিছে ৫০খন দেশ। বিশেষ কথাটো হল স্কুলৰ এদিনো বাদ নিদিয়াকৈ ৫০খন দেশ ভ্ৰমণ কৰিছে অদিতিয়ে। পিতৃ দীপক আৰু মাতৃ অভিলাশাৰ সৈতে দক্ষিণ লণ্ডনত বাস কৰা অদিতিয়ে ইউৰোপৰ বেছিভাগ অঞ্চল ভ্ৰমণ কৰিছে। তেওঁ আনকি নেপাল, ছিংগাপুৰ, থাইলেণ্ডৰ দৰে ঠাইলৈও গৈছে।
অদিতিৰ পিতৃ-মাতৃয়ে আগতীয়াকৈ সিদ্ধান্ত লৈছিল যে তেওঁলোকে বিচাৰে যে তেওঁলোকৰ সন্তান এগৰাকী সুভ্ৰমণকাৰী ব্যক্তি হওক। তেওঁলোকে বিচাৰিছিল যে তাই পৃথিৱীখন অনুভৱ কৰক আৰু বিভিন্ন সংস্কৃতি, খাদ্য আৰু মানুহক বুজি পাওক, কোনো ধৰণৰ স্কুল খতি নোহোৱাকৈ।
তেওঁলোকে এটা পৰিকল্পনা ৰচনা কৰিলে আৰু স্কুলৰ প্ৰতিটো হলীডেৰ সময়ত ভ্ৰমণ কৰিবলৈ আৰম্ভ কৰিলে আৰু আনকি বেংকৰ ছুটীৰ সময়ো ব্যৱহাৰ কৰিবলৈ আৰম্ভ কৰিলে। অদিতিৰ পিতৃ-মাতৃয়ে অনুমান কৰিছে যে তেওঁলোকে বছৰি ২০,০০০ পাউণ্ড (২১ লাখৰ ওপৰত) ভ্ৰমণত খৰচ কৰে, কিন্তু তেওঁলোকে কয় যে এই খৰচ তেওঁলোকৰ অথলে যোৱা নাই।
নেপাল, ভাৰত আৰু থাইলেণ্ডৰ দৰে বিভিন্ন সংস্কৃতি দেখি অদিতি কৌতুহলী আৰু উত্তেজিত হৈ পৰে। তেওঁৰ পিতৃয়ে কয় যে আমি তাইৰ সৈতে ভ্ৰমণ কৰিবলৈ আৰম্ভ কৰিছিলো যেতিয়া তাই নাৰ্চাৰীত তিনি বছৰ বয়সত আছিল আৰু তাই সপ্তাহত সাড়ে দুদিন স্কুললৈ গৈছিল।"
তেওঁ লগতে কয়, "এতিয়া আমি শুকুৰবাৰে তাইক স্কুলৰ পৰা পোনে পোনে লৈ যাওঁ আৰু দেওবাৰে নিশা প্ৰায় ১১ বজাত আমি গভীৰ নিশা বিমানেৰে উভতি আহোঁ। কেতিয়াবা আমি সোমবাৰে পুৱা আহো আৰু তাই বিমানবন্দৰৰ পৰা পোনে পোনে স্কুললৈ যায়।"
অদিতিৰ পিতৃ-মাতৃয়ে একাউণ্টেণ্ট হিচাপে কাম কৰে আৰু তেওঁলোকে ভ্ৰমণৰ বাবে বছৰটোৰ ভিতৰতে সঞ্চয় কৰে। তেওঁলোকে বাহিৰত খাদ্য খোৱা পৰিহাৰ কৰে, ৰাজহুৱা পৰিবহণৰ ওপৰত নিৰ্ভৰ কৰে, নিজাকৈ গাড়ী নাই আৰু লগতে ঘৰৰ পৰাই কাম কৰে যাতে অদিতিৰ ২ বছৰীয়া ভগ্নী অদভিতাক চাইল্ড কেয়াৰত ৰখাৰ খৰচ ৰাহি হয়। কোভিডৰ পূৰ্বে মিষ্টাৰ ত্ৰিপাঠীয়ে প্ৰকাশ কৰিছিল যে তেওঁলোকে এবছৰৰ ভিতৰত প্ৰায় ১২খন ঠাইলৈ যাত্ৰা কৰিছে। অদিতিয়ে কোমল বয়সৰ পৰাই ইউৰোপৰ প্ৰায় প্ৰতিখন দেশৰ লগতে থাইলেণ্ড, ইণ্ডোনেছিয়া আৰু ছিংগাপুৰ ভ্ৰমণ কৰিছে।
অদিতিয়ে কয় যে "মোৰ কোনো নিৰ্দিষ্ট প্ৰিয় দেশ বা ঠাই নাই যদিও যদি মই তিনিখন ঠাই বাছি ল’বলগীয়া হয় তেন্তে সেয়া হ’ব নেপাল, জৰ্জিয়া, আৰ্মেনিয়া। নেপাল সম্ভৱতঃ মোৰ প্ৰিয় আছিল কাৰণ মই ঘোঁৰা চালনা কৰিছিলোঁ, মই আটাইতকৈ দীঘল কেবল কাৰত গৈছিলোঁ, আৰু মই মাউণ্ট এভাৰেষ্টৰ দৰে পাহাৰ দেখা পাইছিলোঁ। মই সঁচাকৈয়ে ভ্ৰমণ ভাল পাওঁ আৰু মোৰ বহুত মজাৰ স্মৃতি আছে। মই আন শিশুসকলকো পৰামৰ্শ দিম কাৰণ ই আপোনাৰ সামাজিক দক্ষতাত সঁচাকৈয়ে সহায় কৰিব পাৰে।"
মাত্ৰ তিনি বছৰ বয়সতে অদিতিৰ প্ৰথম ভ্ৰমণ আছিল জাৰ্মানীলৈ। প্ৰথম ভ্ৰমণৰ প্ৰতি থকা প্ৰেমৰ পৰা অনুপ্ৰাণিত হৈ তেওঁলোকে অতি সোনকালেই ফ্ৰান্স, ইটালী আৰু অষ্ট্ৰিয়াও ভ্ৰমণ কৰে। ১০ বছৰীয়া অদিতি ত্ৰিপাঠীৰ কাহিনী এতিয়া ভাইৰেল হৈ পৰিছে।
Continue Reading
