সমাজৰ সমালোচনালৈ কেৰেপ নকৰে ডেমকেয়াৰ কংগনাই, এইবাৰ কংগনাৰ ‘লক আপ’ত বন্দী হ’ব কোন?

ডিজিটেল ডেস্কঃ সকলো বিষয়তে বিতৰ্কিত মন্তব্যৰে সংবাদ শিৰোনাম দখল কৰাতো যেন স্বভাৱত পৰিণত হৈছে বলীউড অভিনেত্ৰী কংগনা ৰাণাৱটৰ। কৃষকৰ পৰা জাতিৰ পিতা মহাত্মা গান্ধীক অপমান কৰালৈকে কি কৰা নাই কংগনাই! একপ্ৰকাৰ সকলোৰে বাবে মূৰৰ কামোৰণি হৈ পৰা কংগনাই পুনৰবাৰ বিতৰ্কিত মন্তব্যৰে সংবাদ শিৰোনাম দখল কৰিছে। বলীউড অভিনেত্ৰীগৰাকীৰ এনে কৰ্মকাণ্ডক সমাজে সমালোচনাৰ দৃষ্টিৰে চালেও ডেমকেয়াৰ কংগনা! উল্লেখ্য যে, অতিশীঘ্ৰে অ'টিটি প্লেটফৰ্মত 'লক আপ' নামৰ এটা ৰিয়েলিটী শ্ব' আহি আছে। এই ৰিয়েলিটী শ্ব’টোত কংগনাক আয়োজক হিচাপে দেখিবলৈ পোৱা যাব। শুকুৰবাৰে ‘লক আপ’ৰ প্ৰথমটো টিজাৰ মুকলি হৈছিল। টিজাৰ মুকলিৰ পাছতে কংগনাৰ বিস্ফোৰণ। কংগনাই কয়, ‘পৃথিৱীত দুই প্ৰকাৰৰ মানুহ আছে। একাংশই মোক ভালপায়, আন একাংশ বি গ্ৰেড ষ্ট্ৰেগলাৰ আছে যিসকলে মোক গৰিহণা দি শিৰোনামত থাকিব বিচাৰে। যিসকলে মোক অপছন্দ কৰে তেওঁলোকে মোৰ কণ্ঠৰুদ্ধ কৰিবলৈ আৰক্ষী চকীত এজাহাৰো দাখিল কৰিছিল। নেপটিজিমৰ ফৰ্মূলা কাৰ্যত কামত লগোৱাৰ চেষ্টা কৰি আহিছে তেওঁলোকে। মোৰ জীৱনটো ৰিয়েলিটী শ্ব'লৈ সলনি কৰি দিয়া হৈছে। কিন্তু এতিয়া সময় মোৰ!’ জানিবলৈ পোৱা মতে, ছলমান খানৰ 'বিগ বছ'ৰ আধাৰতে নিৰ্মাণ কৰা হৈছে ‘লক আপ’। এই অনুষ্ঠানটোত ১৬ জন বিতৰ্কিত চেলিব্ৰিটীক দেখিবলৈ পোৱা যাব বুলি সদৰী কৰিছে কংগনাই। অৱশ্যে, কংগনাৰ এই অনুষ্ঠানটোত কোনে অংশগ্ৰহণ কৰিব তাকে লৈ সামাজিক মাধ্যমত কৌতুহল অব্যাহত আছে। ‘লক আপ’ অনুষ্ঠানটোৰ প্ৰযোজনা একতা কাপুৰৰ। অনুষ্ঠানটো ২৭ ফেব্ৰুৱাৰীৰ পৰা অল্টবালাজী অ'টিটি প্লেটফৰ্মত সম্প্ৰচাৰিত হ'ব।