ডিজিটেল ডেস্কঃ এটা জাতি!যাৰ অকৃত্ৰিম ভালপোৱাই সমৃদ্ধ কৰি ৰাখিছে এখন ৰাজ্যক৷ৰাজ্যখনৰ নাম কৰ্ণাটক আৰু জাতিটো হ’ল কানাড়া৷চুবুৰীয়া ৰাজ্য তামিলনাডুলৈ কাবেৰী নদীৰ পানী মুকলি কৰাৰ প্ৰতিবাদত কানাড়া জাতীয় সংগঠন কানাড়া অকুটাই কৰ্ণাটক বন্ধৰ আহ্বান জনায়৷ ৰাজ্যজুৰি ঘোষণা কৰা বন্ধৰ মাজতে শুকুৰবাৰে বেংগালুৰু আন্তঃৰাষ্ট্ৰীয় বিমানবন্দৰত ৪৪খন বিমান বাতিল কৰা হয়।
সবিশেষ তথ্য অনুসৰি বিমানবন্দৰ কৰ্তৃপক্ষই বিমান সেৱা বিশেষ কাৰণত বাতিল কৰা বুলি জানিবলৈ দিয়ে আৰু যাত্ৰীসকলক সেই কথা সময়তে অৱগত কৰা হয়।
অৱশ্যে বহু যাত্ৰীয়ে কৰ্ণাটক বন্ধৰ বাবে টিকট বাতিল কৰাৰ বাবেই বিমান বাতিল হোৱা বুলি সূত্ৰই প্ৰকাশ কৰিছে।কৰ্ণাটকৰ পতাকা লৈ বিমানবন্দৰৰ চৌহদত প্ৰতিবাদ সাব্যস্ত কৰিবলৈ প্ৰৱেশ কৰাৰ সময়তো ৫ কান্নাড় সমৰ্থক কৰ্মীক জিম্মাত লোৱা হয়।
সূত্ৰসমূহে জনোৱা মতে, আটক কৰা পাঁচজনে বিমানবন্দৰৰ চৌহদত প্ৰৱেশৰ উদ্দেশ্যে বিমানৰ টিকট বুকিং কৰিছিল।বিশেষকৈ ৰাজ্যখনৰ দক্ষিণ অংশত স্বাভাৱিক জীৱন প্ৰভাৱিত হৈছে, উল্লেখ্য যে কানাড়া সমৰ্থক আৰু কৃষক সংগঠনসমূহে ‘কৰ্ণাটক বন্ধ’ৰ এই আহ্বান জনাইছিল।
কানাড়া অকুটাত কৰ্ণাটক ৰক্ষা বেদিকে, কানাড়া চলিৱলী আৰু বিভিন্ন কৃষক সংস্থাৰ ফৈদ চামিল হৈছে৷বৃহস্পতিবাৰে বন্ধৰ আয়োজকসকলে সংবাদ সংস্থা পিটিআইক জনাইছে যে চহৰখনৰ টাউন হলৰ পৰা ফ্ৰিডম পাৰ্কলৈকে এক বৃহৎ প্ৰতিবাদী শোভাযাত্ৰা অনুষ্ঠিত হ’ব, য’ত সকলো শ্ৰেণীৰ লোকে অংশগ্ৰহণ কৰাৰ সম্ভাৱনা আছে।তেওঁলোকে কয় যে এই বন্ধ সমগ্ৰ কৰ্ণাটকৰ বাবে আৰু ঘাইপথ, টোলগেট, ৰে’ল সেৱা, বিমানবন্দৰ বন্ধ কৰাৰ চেষ্টা কৰিব।ইতিমধ্যে এই বন্ধৰ প্ৰতি কৰ্ণাটকৰ হোটেল, অটোৰিক্সা আৰু বহু সন্থাই সমৰ্থন আগবঢ়াইছে।
Continue Reading
