সমষ্টি ১৪টা বিৰোধী ঐক্যত সমবেত দল ১৫টা… ভাগ বাটোৱাৰাত সমস্যা

তদুপৰি সাংবাদিকে সোধা প্ৰশ্নৰ উত্তৰত ভূপেন বৰাই কয় যে, লোকসভা নিৰ্বাচনৰ বাবে কংগ্ৰেছ সাজু হৈ আছে,কংগ্ৰেছে সকলো প্ৰাৰ্থীৰ তালিকা ৰাজহুৱা কৰিছে আৰু সেয়েহে ভূপেন বৰাই বাকী দলসমূহকো প্ৰাৰ্থী তালিকা প্ৰস্তুত কৰিবলৈ আহ্বান জনায়৷লগতে ভূপেন বৰাই কয় যে ১৫ টা বিৰোধী ঐক্যত থকা দলৰ দহটা দলে লোকসভা নিৰ্বাচনত প্ৰতিদ্বন্দ্বিতা কৰিব নিবিচাৰে৷ চাৰিটা দলেহে নিৰ্বাচনত অৱতীৰ্ণ হ’বৰ বাবে আকোৰগোঁজ স্থিতিত আছে৷ভূপেন বৰাই কয় যে ৪ টা বিৰোধী দলৰ লগত মিলাব লাগিব,আৰু ১৬ জানুৱাৰীৰ পাছত কোনে টিকট লাভ কৰিব সেই সম্পৰ্কে সকলোৱে ইংগিত পাই যাব৷উল্লেখ্য যে ভূপেন বৰাৰ মুখত উচ্চাৰিত কোন এই চাৰিটা বিৰোধী ৰাজনৈতিক দল তাক লৈ চৰ্চা আৰম্ভ হৈছে৷বহু ৰাজনৈতিক বিশ্লেষকৰ মতে এই চাৰিটা বিৰোধী দল হ’ল অসম জাতীয় পৰিষদ,চিপিআই(এম),আপ আৰু তৃণমূল কংগ্ৰেছ৷দলকেইটাৰ পৰা কোনো আনুষ্ঠানিক বিবৃত্তি লাভ কৰা নাই যদিও অসমত বিৰোধী ঐক্য কিমান সফল হয় সেয়া ভৱিষ্যত দিনত হ’ব লক্ষণীয়৷