--°C
Loading...
Listen to Article
2 min read
80%
ডিজিটেল ডেস্কঃ তামিলনাডুৰ মুখ্যমন্ত্ৰীৰ পুত্ৰ তথা ডিএমকেৰ নেতা  উধায়ানিধি ষ্টেলিনে সনাতন ধৰ্মৰ বিৰুদ্ধে কৰা মন্তব্যই এতিয়া দেশ জুৰি তীব্ৰ প্ৰতিক্ৰিয়াৰ সৃষ্টি কৰিছে৷   সনাতন ধৰ্ম সন্দৰ্ভত ষ্টেলিনৰ বিতৰ্কিত মন্তব্যৰ মাজতে অযোধ্যাৰ এজন সাধু পৰমহংস আচাৰ্যই ডিএমকে নেতাজনৰ শিৰচ্ছেদ কৰিব পৰাজনক  ১০ কোটি টকাৰ পুৰস্কাৰ দিয়া হ’ব বুলি ঘোষণা কৰিছে। অযোধ্যাৰ তাপস্বী চাওনী মন্দিৰৰ মুখ্য পুৰোহিত পৰমহংস আচাৰ্যই কয় "যিয়ে ষ্টেলিনৰ মুণ্ডচ্ছেদ কৰি  মোৰ ওচৰলৈ তেওঁৰ মূৰটো আনি দিব পাৰিব তেওঁক মই ১০ কোটি টকা নগদ পুৰস্কাৰ দিম। যদি কোনেও ষ্টেলিনক হত্যা কৰিবলৈ সাহস নকৰে, মই নিজেই তেওঁক বিচাৰি উলিয়াম আৰু তেওঁক হত্যা কৰিম,"  ।

 উল্লেখ্য সেই একেগৰাকী সাধুৱেই  অতীতত সমাজবাদী পাৰ্টিৰ নেতা স্বামী প্ৰসাদ মৌৰ্যৰই ৰামচৰিতমানসকলৈ কৰা মন্তব্য আৰু শ্বাহৰুখ খানৰ পাঠান ছবিৰ  বিৰুদ্ধে পুৰস্কাৰ  ঘোষণা কৰিছিল।  তামিলনাডুৰ যুৱ কল্যাণ দপ্তৰৰ মন্ত্ৰী ষ্টেলিনে  'সনাতন ধৰ্ম' সমতা আৰু সামাজিক ন্যায়ৰ বিৰোধী বুলি কৈ ৰাজনৈতিক ধুমুহাৰ সৃষ্টি কৰিছে ৷  তেওঁ এই ধৰ্ম  নিৰ্মূল কৰিব লাগে বুলি কৈছিল। তেওঁ লগতে 'সনাতন ধৰ্ম'ক কৰোনাভাইৰাছ, মেলেৰিয়া আৰু ডেংগু জ্বৰৰ সৈতে তুলনা কৰিছিল৷  তেওঁৰ এনে মন্তব্যৰ পিছতে কেন্দ্ৰীয় প্ৰতিৰক্ষা মন্ত্ৰী ৰাজনাথ সিঙে কয় যে কংগ্ৰেছ আৰু ইণ্ডিয়া মিত্ৰজোঁটৰ নেতাসকলে সনাতন ধৰ্ম সন্দৰ্ভত ডিএমকে নেতা উধায়ানিধি ষ্টালিনে কৰা মন্তব্যৰ বাবে ক্ষমা বিচাৰিব লাগে।ৰাজনাথ সিঙে কয়, "কংগ্ৰেছৰ সহযোগী ডিএমকেয়ে সনাতন ধৰ্মক অপমান কৰিছে। তেওঁলোকে কয় যে সনাতন ধৰ্ম বিলুপ্ত কৰা উচিত। ভাৰত মিত্ৰজোঁটৰ মিত্ৰশক্তিয়ে এই বিষয়ে নীৰৱ হৈ আছে। গেহলটজী কিয় নীৰৱ, আৰু ছোনিয়াজী নীৰৱ? কংগ্ৰেছ আৰু ইণ্ডিয়া মিত্ৰজোঁটে  ক্ষমা বিচাৰিব লাগে।" 

অসমৰ মুখ্যমন্ত্ৰী হিমন্ত বিশ্ব শৰ্মায়ো  ডিএমকে নেতা উধায়ানিধি ষ্টেলিনৰ 'সনাতন ধৰ্ম'ৰ বিৰুদ্ধে কৰা শেহতীয়া মন্তব্যক লৈ কংগ্ৰেছক আক্ৰমণ কৰে৷ শৰ্মাই  কয় যে বিতৰ্কৰ মূল  হৈছে কংগ্ৰেছৰ সাংসদ ৰাহুল গান্ধী।তেওঁ কয় " যদি মই মুছলমান বা খ্ৰীষ্টানসকলৰ বিষয়ে এনে মন্তব্য দিওঁ, কংগ্ৰেছে ইয়াক মোৰ বাক স্বাধীনতা বুলি বিবেচনা কৰিব নেকি?" ।  কেন্দ্ৰীয় আইন আৰু ন্যায় মন্ত্ৰী অৰ্জুন ৰাম মেঘৱালে বিৰোধীপক্ষক আক্ৰমণ কৰি কয়  যে তেওঁলোকে সনাতন ধৰ্মৰ বিৰুদ্ধে নিৰন্তৰ "বিহ বিয়পাই আছে"।   কেন্দ্ৰীয় গৃহমন্ত্ৰী অমিত শ্বাহেও এই মন্তব্যৰ প্ৰত্যুত্তৰ দি কয় যে এয়া ইণ্ডিয়া মিত্ৰজোঁটৰ  ৰাজনৈতিক অস্ত্ৰ । তেওঁ কয়  যে বিৰোধী ইণ্ডিয়া  মিত্ৰজোঁটে প্ৰকৃততে "হিন্দুত্বক ঘৃণা কৰে। তেওঁলোকৰ উদ্দেশ্য হৈছে "পৰম্পৰাৰ ওপৰত আক্ৰমণ" কৰা"।উল্লেখ্য উদয়নিধিয়ে অলপতেএখন ধৰ্মীয় সন্মিলনত অংশগ্ৰহণ কৰি কৈছিল, "কিছুমান বস্তুৰ প্ৰতিবাদ কৰিব নোৱাৰি। সেইবোৰ বিলুপ্ত কৰিব লাগিব। আমি ডেংগু, মহ, মেলেৰিয়া বা কৰোনাৰ বিৰোধী নহয়। আমি ইয়াক আঁতৰ কৰিব লাগিব। একেদৰে, আমি সনাতন ধৰ্ম বাতিল কৰিব লাগিব। 'সনাতন' শব্দটো সংস্কৃতৰ পৰা আহিছে। এয়া সামাজিক ন্যায় আৰু সমতাৰ বিৰুদ্ধে। "

তামিলনাডুৰ মুখ্যমন্ত্ৰীৰ পুত্ৰই কৰা মন্তব্যই  বিতৰ্কৰ সৃষ্টি কৰিছে । বিজেপিৰ আইটি চেলৰ মুৰব্বী অমিত মালৱীয়ই দাবী কৰিছে যে উদয়নিধিয়ে যি কৈছিল সেয়া ৮০ শতাংশ লোকক হত্যা কৰাৰ প্ৰৰোচনাৰ বাহিৰে আন একো নহয়। দক্ষিণৰ ৰাজ্যসমূহৰ কেইবাজনো বিজেপি নেতাই একে ধৰণেই প্ৰতিক্ৰিয়া ব্যক্ত  কৰিছে । বিতৰ্কৰ সন্মুখীন হৈ উদয়নিধিয়ে দাবী কৰিছে যে তেওঁ কেতিয়াও  গণহত্যাৰ আহ্বান জনোৱা নাছিল। ইয়াৰ পিছতে দেওবাৰে ৰাজস্থানত অমিত শ্বাহে কয়, "যদি মোদী জয়ী হয়, তেন্তে পৰম্পৰাগত শাসন চলি থাকিব। সনাতনে মানুহৰ হৃদয়ত ৰাজত্ব কৰে।’’ কেন্দ্ৰীয় গৃহমন্ত্ৰীয়ে লগতে কয় যে  প্ৰধানমন্ত্ৰী নৰেন্দ্ৰ মোদীয়ে  ভাৰত সংবিধান অনুসৰি চলিব বুলি কৈ আহিছে। 







FOLLOW US F
POPULAR
FEATURE
TRENDY
ৰিজার্ভ বেংকে বান্ধি দিয়া ‘সহনশীলতাৰ সীমা’ অতিক্ৰম; খুচুৰা মুদ্রাস্ফীতি ৬.০৯%লৈ বৃদ্ধি
৪ দশকত ৭টা বৃহৎ পথ দুর্ঘটনা সংঘটিত হৈছে অসমত; জানো আহক সবিশেষ
মথুৰাত চলন্ত বাছত ভয়ংকৰ জুই! চালক জিতেন্দ্ৰৰ বুদ্ধিমত্তাত ৰক্ষা পৰিল ৪০ যাত্ৰীৰ প্ৰাণ
বিলাসীপাৰাত ধনৰ লোভত নাবালিকা কন্যাক বিয়া দিবলৈ চেষ্টা কৰাৰ অভিযোগ; নিজ পিতৃৰ বিৰুদ্ধে এজাহাৰ কন্যাৰ
কাজিৰঙাৰ ৰঙাজানত ভয়ংকৰ পথ দুৰ্ঘটনা; তীব্ৰবেগী ট্ৰেভেলাৰ আৰু ট্ৰেইলাৰৰ মুখামুখি সংঘৰ্ষত ২৩ জনৰ মৃত্যু
চিকিৎসকৰ চমৎকাৰ! জন্মৰ এমাহৰ পাছতে অস্ত্ৰোপচাৰৰ জৰিয়তে পিঠিৰ পৰা সংযুক্ত হৈ থকা যমজ ভাতৃক কৰিলে পৃথক
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী