ডিজিটেল ডেস্ক: প্ৰাপ্তিৰ শেষৰ বিন্দুটোলৈকে সংগ্ৰাম অব্যাহত ৰাখে প্ৰকৃত সংগ্ৰামীয়ে৷ শত বাধাৰ প্ৰাচীৰ নেওচি সংগ্ৰামৰ শেষত তেওঁলোকে লিখে নতুন ইতিহাস৷
আৰু বুৰঞ্জীৰ পাতত থাকি যায় একোখন যুগজয়ী সংগ্ৰামৰ মহাযোদ্ধা হিচাপে৷ নাৰ্গেছ মোহম্মদী৷ নোবেলজয়ী এইগৰাকী নাৰীও সংগ্ৰামৰ মূৰ্ত প্ৰতীক৷ পুনৰ ইৰাণৰ তেওঁ বন্দী হৈ থকা কাৰাগাৰখনত আৰম্ভ কৰিব অনশন৷
মোহম্মদীৰ স্বামীয়ে অছলোত এখন সংবাদমেলত কৈছিল যে তেওঁ বাহাই ধৰ্মীয় সংখ্যালঘুসকলৰ প্ৰতি সমৰ্থন আগবঢ়োৱাৰ বাবে অনশন কৰিব। তেওঁ বাধ্যতামূলক হিজাব আৰু ইৰাণত মৃত্যুদণ্ডৰ বিৰুদ্ধে কৰি অহা সংগ্ৰামৰ বাবে সুপৰিচিত৷
অক্টোবৰত ইৰাণত মহিলাৰ অত্যাচাৰৰ বিৰুদ্ধে যুঁজিবলৈ কৰা প্ৰচেষ্টাৰ বাবে স্বীকৃত মোহম্মদীক ২০২১ চনৰ পৰা তেহৰাণৰ এভিন কাৰাগাৰত বন্দী কৰি ৰখা হৈছে।
মোহম্মদীয়ে এতিয়া কিয় অনশন কৰিব?
কৰ্মীগৰাকীৰ স্বামী তাঘী ৰহমানীয়ে কয় যে তেওঁৰ অনশন হৈছে বাহাই ধৰ্মীয় সংখ্যালঘুসকলক সমৰ্থন কৰা৷
তেওঁ মোক কৈছিল যে যিদিনা মোক এই পুৰস্কাৰ প্ৰদান কৰা হৈছে সেইদিনা মই মোৰ অনশন আৰম্ভ কৰিম, সম্ভৱতঃ তেতিয়া বিশ্বই ইয়াৰ বিষয়ে অধিক শুনিব৷
ইৰাণৰ বাহাই সম্প্ৰদায়ৰ প্ৰতিনিধিসকলে লক্ষ্য কৰিছে যে তেওঁলোকে সমাজৰ বিভিন্ন দিশত বৈষম্যৰ সন্মুখীন হৈছে৷ ইয়াৰ পূৰ্বে আগতে নৱেম্বৰ মাহত মোহম্মদীয়ে মূৰ ঢাকি নোলোৱাকৈ চিকিৎসালয়লৈ স্থানান্তৰ কৰাৰ অধিকাৰ বিচাৰি কেইদিনমানৰ বাবে অনশন কৰিছিল৷
Continue Reading
