--°C
Loading...
Listen to Article
2 min read
80%
ডিজিটেল ডেস্ক : মহাসংকটত বিশ্ববাসী৷ ৰাছিয়াই আজি পুৱাৰে পৰা ইউক্ৰেইনত সামৰিক অভিযান আৰম্ভ কৰিছে৷ যাৰ ফলত শংকা আৰু ভয়েৰে সময় অতিবাহিত কৰিবলগীয়া হৈছে ইউক্ৰেইনত আবদ্ধ ভাৰতীয়সকলে৷ ইউক্ৰেইনৰ আকাশী পথ আজি বন্ধ হোৱাৰ পাছত ভাৰতে কিয়েভলৈ বিশেষ বিমান বাতিল কৰিছে যদিও দেশখনৰ ভাৰতীয় দূতাবাসে হেল্পলাইন নম্বৰ জাৰি কৰিছে। অৱশ্যে এয়াৰ ইণ্ডিয়াৰ এখন বিমানে বৃহস্পতিবাৰে ৰাতিপুৱা ইউক্ৰেইনলৈ উৰা মাৰিছিল পূব ইউৰোপীয় ৰাষ্ট্ৰৰ পৰা ভাৰতীয়সকলক ঘূৰাই আনিবলৈ, যি এতিয়া ৰাছিয়াৰ আক্ৰমণৰ সন্মুখীন হৈছে। ইউক্ৰেইন ষ্টেট এয়াৰ ট্ৰেফিক চাৰ্ভিচেছ এণ্টাৰপ্ৰাইজে ইয়াৰ ৱেবছাইটত কৈছিল যে বৃহস্পতিবাৰে ০০:৪৫ জিএমটিৰ পৰা আৰম্ভ হোৱা অসামৰিক বিমানৰ বাবে দেশখনৰ আকাশীসীমা বন্ধ কৰি দিয়া হয় আৰু বিমান সেৱা স্থগিত ৰখা হয়। বিগত সপ্তাহত ভাৰত আৰু ইউক্ৰেইনৰ মাজত বিমানৰ সংখ্যাৰ ওপৰত থকা নিষেধাজ্ঞা আঁতৰ কৰাৰ লগতে এয়াৰ বাবল চুক্তিৰ অধীনত সেইবোৰত আসন উপলব্ধ হোৱাৰ ওপৰত থকা নিষেধাজ্ঞা আঁতৰাই দিছিল। উল্লেখ্য যে, পূব ইউৰোপীয় ৰাষ্ট্ৰ আৰু ৰাছিয়াৰ সীমান্তত বৰ্ধিত উত্তেজনাৰ মাজত ইউক্ৰেইনৰ পৰা ভাৰতীয় নাগৰিকসকলক ঘূৰাই অনাৰ বাবে মঙলবাৰে এয়াৰ ইণ্ডিয়াৰ এখন বিশেষ বিমান মোতায়েন কৰা হৈছিল। টাটাৰ মালিকানাধীন এয়াৰলাইনৰ এজন বিষয়াই জনোৱা অনুসৰি ২৪২ জন যাত্ৰীৰ সৈতে বিমানখন নিশা নতুন দিল্লীৰ ইন্দিৰা গান্ধী আন্তঃৰাষ্ট্ৰীয় বিমানবন্দৰত অৱতৰণ কৰে। ভ্লাডিমিৰ পুটিন নেতৃত্বাধীন ৰাছিয়ান চৰকাৰে ৰাছিয়াপন্থী বিচ্ছিন্নতাবাদী পূব ইউক্ৰেইন অঞ্চলৰ বিৰুদ্ধে যুদ্ধ ঘোষণা কৰে৷ যুদ্ধসদৃশ পৰিস্থিতিৰ মাজতে ইউক্ৰেইনৰ আকাশী সীমা বন্ধ হোৱাৰ লগে লগে বৈদেশিক পৰিক্ৰমা মন্ত্ৰালয়ে বৈকল্পিক আকস্মিক পৰিকল্পনা কাৰ্যকৰী কৰাৰ বাবে কেইবাটাও উচ্চ পৰ্যায়ৰ বৈঠক অনুষ্ঠিত কৰে। ইয়াৰ মাজতে আজি কেন্দ্ৰ চৰকাৰে ইউক্ৰেইনত থকা ভাৰতীয় লোকসকলৰ বাবে নতুন নিৰ্দেশনা জাৰি কৰিছে। এই নিৰ্দেশনাত কোৱা হৈছে যে ইউক্ৰেইনৰ সাম্প্ৰতিক পৰিস্থিতি অতিশয় অনিশ্চিত হৈ পৰিছে, সকলোৱে শান্ত হৈ থকা উচিত আৰু ঘৰ, হোষ্টেল, ট্ৰানজিট, বা অন্য বাসস্থানত নিৰাপদজনকভাৱে থকা উচিত বুলি অবিহিত কৰিছে। ভাৰত চৰকাৰেও বিষয়টোৰ ওপৰত চোকা নজৰ ৰাখিছে। লগতে ভাৰতীয়সকলক তেওঁলোকৰ লগত পাছপোৰ্ট আৰু প্ৰয়োজনীয় নথিপত্ৰ ৰাখিবলৈ নিৰ্দেশনা দিয়ে। লগতে এটা হেল্পলাইন নম্বৰো জাৰি কৰা হৈছে।
FOLLOW US F
POPULAR
FEATURE
TRENDY
৪ বছৰত ২৫ হাজাৰ একৰ ভূমি বেদখলৰ পৰা মুক্ত হ’ল: মুখ্যমন্ত্ৰী হিমন্ত বিশ্ব শৰ্মা
ত্রি-মুকুট অৰ্জনৰ দিশে পি এছ জি
অষ্ট্ৰেলিয়া ভ্ৰমণলৈ ভাৰতৰ মহিলা দল ঘোষণা ; অসমৰ উমা চেত্ৰীৰ স্থান লাভ
গুৱাহাটীত অইল-আইটা ছুপাৰ ছিৰিজ ৰাষ্ট্ৰীয় টেনিছ প্ৰতিযোগিতাত দেশৰ ১৫ খন ৰাজ্যৰ প্ৰায় ১৮০ গৰাকী ল’ৰা-ছোৱালীৰ অংশগ্ৰহণ
গীতে-মাতে জীপাল হ'ল কুঠৰীস্থিত ড° ভূপেন হাজৰিকাৰ পৰিত্যক্ত বাসগৃহ
পিতৃৰ তিনিটাকৈ গুলীত ঢলি পৰিল উদীয়মান টেনিছ তাৰকা, কিন্তু কিয় সংঘটিত হ'ল এই ঘটনা ?
প্ৰটিন দেহত কমিলে নানা ক্ষতি হয়! জানি লওক সৱিশেষ
আত্মনিৰ্ভৰশীলতাৰ নিদৰ্শন দাঙি ধৰিলে ডিগবৈৰ পাঁচ গৰাকী উদ্যমী মহিলাই
আমেৰিকাৰ ছিকাগ’ত তিনিদিনীয়া বিশেষ কাৰ্যসূচীৰে অনুষ্ঠিত হৈছে অসম অভিৱৰ্তন ২০২৫
এইবাৰ মহিলাই নেতৃত্ব দিব বিজেপিক, দক্ষিণৰ তিনিগৰাকী নেত্ৰীৰ নাম চৰ্চাত
বলীউডে সুশান্তৰ দৰে কাৰ্তিকক আঁতৰাবলৈ চেষ্টা কৰিছে! সংগীত পৰিচালক অমল মালিকৰ দাবী
আমেৰিকাত সোণ জিনিলে জামুগুৰিহাটৰ কন্দৰ্প বৰাই
৫০০০ কিল'মিটাৰ দূৰত্বৰ পৰা ছেটেলাইটৰ জৰিয়তে সম্পন্ন কৰিলে ৰ'বটিক ছাৰ্জাৰী
প্রধানমন্ত্রী মোদীক ট্ৰিনিডাড-টবেগোৰো সর্বোচ্চ সন্মান