পাকিস্তানত এলিয়েনৰ প্ৰৱেশ! আকাশত দেখা পোৱা গ'ল ইউএফঅ'

ডিজিটেল ডেস্কঃ এতিয়ালৈকে বহুলোকে এলিয়েন আৰু ইউএফঅ' দেখা বুলি দাবী কৰিছে। এলিয়েন আৰু ইউএফঅ'ৰ ৰহস্য আজিলৈকে কোনেও ভেদ কৰিব পৰা নাই। পাকিস্তানৰ আকাশত দেখা পোৱা গ'ল এখন অচিনাক্ত ৰহস্যময়ী যান৷ যানখন প্ৰত্যক্ষ কৰাৰ পিছতে বহু লোকে ইউএফঅ' বুলি দাবী কৰিছে। ছ'চিয়েল মিডিয়াত এই ঘটনাটোৰ এটা ভিডিঅ' শ্বেয়াৰ কৰা হৈছে। এই ঘটনাটো সংঘটিত হৈছে পাকিস্তানৰ ৰাজধানী ইছলামাবাদত। ভিডিঅ'টোত আকাশত এটা ৰহস্যময় বস্তু উৰি থকা দেখা গৈছে। ইউএফঅ' হান্টাৰসকলে ইয়াক এলিয়েন কাৰ্যকলাপৰ সৈতে সংযুক্ত কৰিবলৈ বিচাৰি আছে। আৰ্ছলান ৱাৰাইচ নামৰ এজন ৩৩ বছৰীয়া যুৱকে ইছলামাবাদৰ আকাশত দেখা পায় এই ৰহস্যময় যানখন। আৰ্ছলানে কৈছিল ''মই দুঘণ্টা ধৰি এটা ৰহস্যময় 'ত্ৰিভুজাকাৰ' বস্তু আকাশত উৰি থকা দেখিছিলোঁ, যিটো ক'লা ধাতুৰে নিৰ্মিত যেন লাগিছিল। মই এতিয়াও নাজানো সেইটো আচলতে কি আছিল। মই ১২ মিনিট দীঘল ভিডিঅ' বনাইছো আৰু এক ডজন ফটো তুলিছিলোঁ। প্ৰায় দুঘণ্টা ধৰি মই সেই ৰহস্যময় বস্তুটো চাই আছিলোঁ।'' আৰ্ছলানে লগতে কয় যে ''খালী চকুৰে চাই বস্তুটো ক'লা ঘূৰণীয়া শিলৰ দৰে লাগিছিল কিন্তু যেতিয়া মই জুম ইন কৰিছিলো, মই দেখিছিলো যে ইয়াৰ আকৃতি ত্ৰিভুজাকাৰ আৰু ইয়াৰ ওপৰভাগ ফুলা আছিল।ধাতুৰে নিৰ্মিত যেন লগা যানখনৰ কোনো লাইট জ্বলি থকা নাছিল৷'' আৰ্ছলানৰ ভিডিঅ'ত ৰহস্যময় বস্তুটো কোনো গতি নোহোৱাকৈ চহৰখনৰ আকাশত দুলি থকা দেখা গৈছিল। আৰ্ছলান ৱাৰাইচে প্ৰত্যক্ষ কৰাৰ পাছত ইছলামাবাদৰ আকাশত এই ৰহস্যময় যানখন ধীৰ গতিৰে প্ৰায় ১ ঘণ্টাৰো অধিক সময় দেখিবলৈ পোৱা গৈছিল। আৰু পঢ়কঃ যুদ্ধ আৰম্ভ! ইউক্ৰেইনত ৰকেট আক্ৰমণ আৰম্ভ ৰাছিয়াৰ সেনাৰ