ডিজিটেল ডেস্ক: উত্তৰ প্ৰদেশ তথা উত্তৰ প্ৰদেশৰ মুখ্যমন্ত্ৰী যোগী আদিত্য নাথ প্ৰায়েই চৰ্চাত থাকে। গো প্ৰতিপাল কৰি সকলোৰে দৃষ্টি আকৰ্ষণ কৰিবলৈ সক্ষম হৈছিল যদিও ৰাজ্য নিৰাপত্তা ব্যৱস্থা সুৰক্ষিত কৰি ৰখাত বিফল হৈছে উত্তৰ প্ৰদেশৰ মুখ্যমন্ত্ৰী যোগী আদিত্য নাথ ৷ যোগীৰ ৰাজ্যত এতিয়া চাৰিওপিনে চৰম বিশৃংখলতা৷ যোৱা মঙ্গলবাৰে কেন্দ্ৰীয় গৃহ মন্ত্ৰালয়ত দাখিল হোৱা এক তথ্যই দাঙি যোগীৰ যোগস্থলী উত্তৰ প্ৰদেশৰ বাস্তৱ চিত্ৰখন৷
কেন্দ্ৰীয় গৃহ মন্ত্ৰালয়ৰ তথ্য অনুসৰি ২০২০ চনত গ্ৰেপ্তাৰ হোৱা ভাৰতৰ ৩,৭১,৮৪৮ জন অপৰাধীৰ ভিতৰত ২৫ শতাংশ অৰ্থাৎ ৮০,৫৫৭ জন লোক উত্তৰ প্ৰদেশৰ ৷ ২০১৬ চনৰ পৰা ২০২০ চনলৈকে উত্তৰ প্ৰদেশত দেশৰ ভিতৰতে সৰ্বাধিক অপৰাধ সংঘটিত হৈছে৷
গ্ৰেপ্তাৰ হোৱা কয়দীৰ ক্ষেত্ৰত দ্বিতীয় স্থানত আছে বিহাৰ৷ বিহাৰত ৪৪,১৮৭ জন লোক ২০২০ চনত গ্ৰেপ্তাৰ হৈছে৷ উত্তৰ প্ৰদেশ আৰু বিহাৰৰ পিছতেই আছে মধ্য প্ৰদেশ৷ মধ্য প্ৰদেশৰ ৩১,৭১২ জন লোক বিভিন্ন অপৰাধত গ্ৰেপ্তাৰ হৈছে৷ আনফালে , মহাৰাষ্ট্ৰত গ্ৰেপ্তাৰ হোৱা লোকৰ সংখ্যা হৈছে ২৬,১৭১ জন৷
ভাৰতৰ আন ৰাজ্য সমূহতৰ তুলনাত অৰুণাচল প্ৰদেশতেই আটাইতকৈ কম অপৰাধ সংঘটিত হৈছে৷২০২০ চনত অৰুণাচল প্ৰদেশৰ গ্ৰেপ্তাৰ হোৱা লোকৰ সংখ্যা আছিল ১২৭ জন৷
আনহাতে , যোগী আদিত্য নাথে সততে হিন্দু সভ্যতা তথা হিন্দু ধৰ্মৰ কথা কয় যদিও তেওঁৰ ৰাজ্যখনতে ৬২৮ জন লোকৰ ধৰ্মীয় উন্মাদনা বিয়পোৱাৰ বাবে গ্ৰেপ্তাৰ কৰা হৈছে৷
এতিয়া গো পালনৰ উপৰিও ৰাজ্যত ক্ৰমাৎ বৃদ্ধি পোৱা অপৰাধ তথা সামাজিক অস্থিৰতাক যোগী আদিত্য নাথে কেনেদৰে নিয়ন্ত্ৰণ কৰিব সেইয়া লক্ষণীয় হ’ব৷
Continue Reading
