কঠোৰ পৰিশ্ৰম আৰু নিজ চেষ্টাৰে স্বৰ্ণজয়ী ভাৰতীয় লনবল দলটো

ডিজিটেল ডেস্ক : কমনৱেলছ গেমছত ভাৰতীয় দলটোৱে চমকপ্ৰদ সফলতা লাভ কৰিছিল। আৰম্ভণিৰে পৰাই দেশখনে ১৩টাকৈ পদক লাভ কৰিবলৈ সক্ষম হৈছিল। মঙলবাৰে লনবল প্ৰতিযোগিতাত ভাৰতীয় মহিলা দলটোৱে ইতিহাস সৃষ্টি কৰিছিল।কাৰণ এই প্ৰতিযোগিতাত প্ৰথমবাৰৰ বাবে ভাৰতে এটা স্বৰ্ণ পদক লাভ কৰিবলৈ সক্ষম হৈছিল। ফাইনেলত ভাৰতে দক্ষিণ আফ্ৰিকাক ১৭-১০ গ’লত পৰাস্ত কৰিছিল।

ভাৰতৰ কন্যা লাভলী চৌবে, ৰূপাৰাণী তিৰ্কী, পিংকি আৰু নয়নমণি শইকীয়াই সোণৰ পদক লাভ কৰি দেশলৈ সুনাম কঢ়িয়ালে। কিন্তু তেওঁলোকৰ বাবে এই বাট আছিল অতি কঠোৰ। কাৰণ তেওঁলোকৰ কোনো পুঁজি বা প্ৰশিক্ষক নাছিল। অৰ্থাৎ সকলোবোৰ তেওঁলোকৰ কঠোৰ পৰিশ্ৰমৰ দ্বাৰাই সম্ভৱ হ’ল। কিন্তু ২০১৮ চনৰ কমনৱেলথ গেমছৰ পৰা লনবলৰ মহিলা দলৰ কোনো প্ৰশিক্ষক নাছিল। অৰ্থাৎ বিগত ৪ বছৰ ধৰি তেওঁলোকে নিজেই অনুশীলন অব্যাহত ৰাখিছিল।