ডিজিটেল ডেস্কঃ ৰাছিয়াৰ এটা বৃদ্ধাশ্ৰমত সংঘটিত ভয়ংকৰ অগ্নিকাণ্ডত কমেও ২০ গৰাকী লোক মৃত্যুমুখত পৰিছে। ঘটনাটো শুক্ৰবাৰে মাজনিশা চাইবেৰিয়াৰ চহৰ কেমেৰোভোত সংঘটিত হৈছে। জুই লগাৰ খবৰ পোৱাৰ লগে লগে অগ্নিনিৰ্বাপক বাহিনী ঘটনাস্থলীলৈ যায় আৰু জুই নুমাবলৈ চেষ্টা কৰে।
অগ্নিনিৰ্বাপক বাহিনীয়ে কয় যে জুই এনেদৰে বিয়পি পৰিছিল যে ভৱনটোৰ দ্বিতীয় মহলাটো সম্পূৰ্ণৰূপে জ্বলি নিঃশেষ হৈ যায়। অগ্নিনিৰ্বাপক বাহিনীয়ে কেই ঘণ্টামানৰ ভিতৰত পৰিস্থিতি নিয়ন্ত্ৰণলৈ আনে। অগ্নিকাণ্ডৰ কাৰণ এতিয়াও জানিব পৰা হোৱা নাই।
অগ্নি নিৰ্বাপক বাহিনীৰ সূত্ৰ অনুসৰি ৰাছিয়াত বৃদ্ধসকলৰ বাবে বহু বৃদ্ধাশ্ৰম আছে। তেনে বৃদ্ধাশ্ৰমৰ ভিতৰৰে বহুতৰে সঠিক নথিপত্ৰ নাই।কাগজে-পত্ৰই তেনে ঘৰবোৰক ব্যক্তিগত সম্পত্তি হিচাপেহে দেখুওৱা হয়।
Continue Reading
