ডিজিটেল ডেস্কঃ সৰুৰে পৰা তেওঁলোকে কেৱল অভাৱ দেখিছে। সেই অভাৱ দূৰ কৰিবলৈয়েই তিনি ভাতৃয়ে সিদ্ধান্ত লৈছিল দক্ষিণ ভাৰতলৈ গৈ কিবা কাম কৰিব আৰু ঘৰ খনক এটা নতুন ৰূপ দিব। কিন্তু তেওঁলোকৰ আশা পূৰণ হ’বলৈ নাপালে। তিনিওজন ভাতৃৰ সপোন আছিল একেলগে পৰিয়ালটোক উন্নত কৰা। গতিকে তেওঁলোকে একেলগে দক্ষিণ ভাৰতলৈ কাম কৰিবলৈ গৈছিল।
তেওঁলোকৰ লক্ষ্য আছিল অন্ধ্ৰ প্ৰদেশ। তিনি ভাতৃয়ে উঠিছিল কৰমণ্ডল এক্সপ্ৰেছত। কিন্তু ওড়িশাত যেন তেওঁলোকৰ বাবে ৰৈ আছিল কাল। কৰ্মণ্ডল এক্সপ্ৰেছত হোৱা দুৰ্ঘটনাই তিনিওজন ভাতৃকে চিৰদিনৰ বাবে পৃথিৱীৰ পৰা কাঢ়ি নিলে। তিনিওজন ভাতৃ আছিল পশ্চিমবংগৰ দক্ষিণ ২৪ পৰগণা জিলাৰ বাসিন্দা। হৰণ গায়েন, নিশিকান্ত গায়েন, দিবাকৰ গায়েন আছিল তিনি সহোদৰ ভাতৃ।
তেওঁলোক আটাইকেইজন দক্ষিণ ২৪ পৰগণা জিলাৰ বাসন্তীৰ বাসিন্দা। তেওঁলোকে অন্ধ্ৰ প্ৰদেশৰ কোম্পানীত কাম কৰিবলৈ গৈ আছিল। অৱশ্যে প্ৰথমবাৰৰ বাবে তেওঁলোকে দক্ষিণ ভাৰতলৈ যোৱা নাছিল। আগতেওঁ তেওঁলোকে আগতে কেইবাবাৰো দক্ষিণ ভাৰতলৈ গৈছিল। তিনিভাতৃৰ মৃত্যুৰ খবৰ পাই পৰিয়ালৰ আন সদস্যসকলে ইতিমধ্যে তেওঁলোকৰ মৃতদেহ আনিবলৈ ওড়িশালৈ ৰাওনা হৈছে।
তিনিজন ভাতৃৰ উপৰিও বাসন্তীৰ চৰণেখালী গাঁৱৰ আন দুজনৰো দুৰ্ঘটনাত মৃত্যু হৈছে। তেওঁলোক হৈছে বিকাশ আৰু সঞ্জয় হালদাৰ। বাসন্তীৰ লগতে মগ্ৰাহাট-১ খণ্ডৰ উষ্টিৰ সৰিয়হ মালাংগীপাৰাৰ বাসিন্দা আশিক আলী গাজীৰো দুৰ্ঘটনাত মৃত্যু হৈছে।
Continue Reading
