ডিজিটেল ডেস্কঃ ৰিলায়েন্স ইণ্ডাষ্ট্ৰীজ লিমিটেডৰ মুৰব্বী তথা উদ্যোগপতি মুকেশ আম্বানীয়ে বৃহস্পতিবাৰে শ্ৰী বদ্ৰীনাথ আৰু শ্ৰী কেদাৰনাথ ধাম ভ্ৰমণ কৰে। এই সময়ত তেওঁৰ পুত্ৰ অনন্ত আম্বানীৰ ভাবী পত্নী ৰাধিকা মাৰ্চেণ্ট আৰু অন্যান্য আত্মীয়ও উপস্থিত থাকে। মন্দিৰত আম্বানী পৰিয়ালে বিশেষভাৱে প্ৰাৰ্থনা কৰে। ইয়াৰ পাছত আম্বানী পৰিয়ালে বদ্ৰীনাথ-কেদাৰনাথ মন্দিৰ সমিতি (বি কে টি চি)লৈও ৫ কোটি টকাৰ চেক আগবঢ়ায়।
বদ্ৰীনাথ আৰু কেদাৰনাথ পোৱাৰ লগে লগে বিকেটিচিয়ে মুকেশ আম্বানীক আদৰণি জনায়। আম্বানীয়ে প্ৰথমে বদ্ৰীনাথ আৰু তাৰ পাছত কেদাৰনাথ ধামত উপস্থিত হয়। বদ্ৰীনাথত বিকেটিচিৰ সভাপতি অজেন্দ্ৰ অজয়ে আম্বানীক উপহাৰ দি আদৰণি জনায়। আম্বানীয়ে বিকেটিচিলৈ ৫ কোটি টকাৰ অনুদান আগবঢ়ায়। তেওঁ এই ধনৰাশি চেক যোগে বিকেটিচিৰ সভাপতি অজেন্দ্ৰ অজয়ক গতাই দিয়ে। এই অনুষ্ঠানত বিকেটিচিৰ উপ-সভাপতি কিশোৰ পানোৱাৰো উপস্থিত থাকে।
বিকেটিচিৰ সভাপতি অজয় অজেন্দ্ৰই কয় যে বদ্ৰীনাথ দৰ্শনৰ পাছত উদ্যোগপতি মুকেশ আম্বানী কেদাৰনাথ ধাম পায়গৈ।তাতে আম্বানীয়ে মন্দিৰত বিশেষ প্ৰাৰ্থনাও কৰে। কেদাৰনাথত কেদাৰনাথ উত্তন চেৰিটেবল ট্ৰাষ্টৰ যুটীয়া সম্পাদক যোগেন্দ্ৰ সিঙে বিকেটিচিচিৰ মুখ্য কাৰ্যবাহী বিষয়া যোগেন্দ্ৰ সিঙে তেওঁক আদৰণি জনায়।এই সময়ছোৱাত মানুহে ‘হৰ হৰ মহাদেৱ’ ধ্বনি দিয়া দেখা যায়। একে সময়তে মন্দিৰৰ গৰ্ভগৃহৰ পৰা হাতযোৰ কৰি ওলাই আহিল আম্বানী পৰিয়াল।
উল্লেখযোগ্য যে চৰধাম যাত্ৰা আৰম্ভ হোৱাৰ পৰাই চলচ্চিত্ৰ, ক্ৰিকেট, ৰাজনীতি আৰু উদ্যোগৰ চেলিব্ৰিটীসকলেও কেদাৰনাথ দৰ্শন অব্যাহত ৰাখিছে। কিছুদিন পূৰ্বে ইউ পিৰ মুখ্যমন্ত্ৰী যোগী আদিত্যনাথেও বাবা কেদাৰনাথৰ দৰ্শন কৰিছিল। তাতেই মুখ্যমন্ত্ৰী যোগীয়েও প্ৰাৰ্থনা কৰিছিল। তেওঁৰ পূৰ্বে ক্ৰিকেটাৰ ঋষভ পন্তেও পিতৃৰ সৈতে বাবা কেদাৰৰ ধামত উপস্থিত হৈছিল। এইবাৰ চৰ ধাম যাত্ৰাত ভংগ হৈছে পুৰণি অভিলেখ। বৰ্তমানলৈকে ৪৪ লাখৰো অধিক ভক্তই বাবাৰ দৰ্শন লাভ কৰিছে।
Continue Reading
