ডিজিটেল ডেস্কঃ এটা বহুদিনীয়া সপোন পূৰণ হ’বলৈ বাকী আছিল মাত্ৰ কেইটামান ছেকেণ্ড। কিন্তু তাৰ আগতেই সকলো শেষ হৈ গ’ল। কালি দুৰ্ঘটনাত পতিত নেপালৰ বিমান খনৰ সহ-পাইলট অঞ্জু খাতিবাদাৰ পাইলট হোৱাৰ সপোন পূৰণ নহ’ল। মাত্ৰ কেইছেকেণ্ডমানৰ ভিতৰতে তেওঁৰ সপোন থানবান হৈ গ’ল।
এক শোকাৱহ দুৰ্ঘটনাই কাঢ়ি লৈ গ’ল সকলো। নেপালৰ পোখৰাত দুৰ্ঘটনাগ্ৰস্ত হোৱা বিমানখনৰ সহ-পাইলট আছিল অঞ্জু খাতিবাদা। যদি তেওঁ এই বিমানখনৰ সেই দিনাৰ উৰণ সম্পূৰ্ণ কৰিব পাৰিলেহেঁতেন তেন্তে তেওঁ সহ-পাইলটৰ পৰা পাইলট পদলৈ পদোন্নতি পালেহেঁতেন। সেয়ে সপোন পূৰণ হোৱাৰ আশাত তেওঁ উদগ্ৰীৱ হৈ পৰিছিল। কিন্তু তেওঁ চলাই থকা বিমান খনে হঠাতে তেওঁৰ নিৰ্দেশ নমনা হৈ পৰিছিল। মাতাল লোকৰ দৰে বিমানখনে যেনি-তেনি গতি কৰিবলৈ লৈছিল। এটা সময়ত অগ্নিকুণ্ডত পৰিণত হৈছিল বিমান খন। সেই দুৰ্ঘটনাতে চিৰদিনৰ বাবে চকু মুদিছিল সহ-পাইলট অঞ্জু খাতিবাদায়েও।
১৬ বছৰ আগতে অঞ্জু খাতিবাদাই একেধৰণৰ বিমান দুৰ্ঘটনাত তেওঁৰ স্বামী দীপক পোখৰেলক হেৰুৱাইছিল। তেওঁৰ স্বামীও ইয়েতি বিমান এখনৰেই সহ-পাইলট আছিল।
স্বামীৰ মৃত্যুৰ পিছত অঞ্জুৱে স্বামীৰ অসম্পূৰ্ণ সপোন পূৰণ কৰিবলৈ আমেৰিকালৈ গৈছিল আৰু পাইলটৰ প্ৰশিক্ষণ লৈছিল। উভতি অহাৰ পিছততেওঁ ইয়েতি এয়াৰলাইনছত যোগদান কৰিছিল। দেওবাৰে, সপোন পূৰণৰ পূবেই সহ-পাইলট অঞ্জু খাতিবাদাৰ জীৱন বন্তি নুমাই যায়।
Continue Reading
