ডিজিটেল ডেস্কঃ ৫ নৱেম্বৰত ৩৫ সংখ্যক জন্মদিনত তেওঁ এই মাইলৰ খুঁটিটো স্পৰ্শ কৰিছিল। তাৰ মাত্ৰ ১০ দিনৰ পাছত ভাৰতীয় ক্ৰিকেট তাৰকা বিৰাট কোহলীয়ে সেই মাইলৰ খুঁটিটোৰ পৰা আগুৱাই গ’ল। ১৮ নং জাৰ্চি ক্ৰিকেটাৰগৰাকীয়ে বুধবাৰে এদিনীয়া বিশ্বকাপৰ ছেমি ফাইনেলত এক অনন্য নজিৰ গঢ়ি তুলিছে। নিউজিলেণ্ডৰ বিৰুদ্ধে খেলি তেওঁ ১০৬ বলত শতক সম্পূৰ্ণ কৰে।
কোহলীৰ এই সফলতাত তেওঁৰ পত্নী অনুষ্কা শৰ্মা আপ্লুত হোৱাটো স্বাভাৱিক। বলীউডৰ অভিনেত্ৰীগৰাকীয়ে বিৰাটক ‘ভগৱানৰ পুত্ৰ’ বুলি অভিহিত কৰে।
ছ’চিয়েল মিডিয়া পেজত বিৰাটৰ এখন ছবি পোষ্ট কৰি অনুষ্কাই লিখিছে, "ভগৱান জীৱনৰ শ্ৰেষ্ঠ চিত্ৰনাট্যকাৰ। মই ধন্য যে তেওঁৰ আশীৰ্বাদত মই তোমাৰ দৰে এজন মানুহৰ মৰম পাইছো। সকলো বাধা নেওচি তোমাৰ জয়৷ সকলো ধুমুহাৰ মাজতো নিজৰ প্ৰতি সঁচা হৈ থাকা। তুমি সঁচাকৈয়ে 'ঈশ্বৰৰ বৰপুত্ৰ'।''
Continue Reading
