ডিজিটেল ডেস্কঃ দিনটোৰ অৱশাদগ্ৰস্ততা দূৰ কৰিবলৈ দুজন যুৱক সন্ধিয়া লগ হৈছিল লগত এটা সুৰা বটল লৈ। যুৱক দুজন এজন পেছাত অ’টো চালক, আনজন নিবনুৱা। সুৰাপান কৰাৰ পাছত তেওঁলোকে ইজনে সিজনক বিবাহৰ প্ৰস্তাৱ দিছিল। অকণো সময় পলম নকৰি যুৱক দুজনে পোনে-পোনে মন্দিৰলৈ গৈ বিবাহপাশত আবদ্ধ হৈছিল। কিন্তু পাছদিনাই যুৱক দুজনৰ মোহভংগ হৈছিল। নিবনুৱা যুৱকজনে অ’টো চালকজনৰপৰা বিবাহপাশৰ পৰা মুক্তিৰ দাবীত আৰক্ষীৰ কাষ চাপিছিল। উল্লেখ্য যে, ঘটনাটো তেলেংগানাৰ মেদক জিলাৰ চাণ্ডুৰত সংঘটিত হৈছিল।
সূত্ৰ অনুসৰি, চালকজনৰ বয়স ২২ বছৰ। আনজন যুৱকৰ বয়স ২১ বছৰ। ১ এপ্ৰিলত, তেওঁলোকে নিচাগ্ৰস্ত অৱস্থাত মন্দিৰত উপস্থিত হৈছিল। বিয়া হোৱাৰ পাছত অৱশ্যে তেওঁ নিজৰ ঘৰলৈ যায়। কেইদিনমানৰ পাছত, যোগীপেটৰ বাসিন্দা যুৱকজনে অটো চালকৰ ঘৰলৈ গৈ মাক-দেউতাকক তেওঁলোকৰ বিবাহৰ বিষয়ে কৈছিল। যুৱকজনৰ পৰিয়ালৰ লোকে অ’টো চালকজনক বিচাৰিছিল যদিও তেওঁৰ পৰিয়ালৰ লোকে তেওঁক ঘৰৰ বাহিৰলৈ উলিয়াই দিবলৈ অস্বীকাৰ কৰে।
ঘটনাটোত ক্ষুব্ধ হৈ যুৱকজন আৰক্ষী থানালৈ যায়। সকলো কথা আৰক্ষীৰ ওচৰত প্ৰকাশ কৰাৰ পাছত, তেওঁ অ’টো চালকজনৰ পৰা ১ লাখ টকা দাবী কৰিছিল। আৰক্ষীৰ আহ্বানত যুৱক দুজনৰ পৰিয়ালৰ লোকো আৰক্ষী থানালৈ আহিছিল। আলোচনাৰ পাছত, কোনেও অৱশেষত গোচৰ ৰুজু নকৰাৰ সিদ্ধান্ত ল’লে। অৱশ্যে, এক লাখ টকা নহ’লেও, অ’টো চালকজনে নিবনুৱা যুৱকজনক ১০ হাজাৰ টকা দিব লাগিব। আৰক্ষীৰ সূত্ৰ অনুসৰি, এই ক্ষেত্ৰত যুৱক দুজনৰ আনুষ্ঠানিকভাৱে বিবাহ বিচ্ছেদ হৈছে।
Continue Reading
