ডিজিটেল ডেস্কঃ আন্তঃৰাষ্ট্ৰীয় চলচ্চিত্ৰ মহোৎসৱৰ বাবে এতিয়া সম্পূৰ্ণৰূপে সাজু হৈ উঠিছে দেশৰ পৰ্যটনৰ অন্যতম আকর্ষণৰ কেন্দ্ৰ গোৱা।
এতিয়া আইএফএফআই ২০২৪ত ডুব যাবলৈ সাজু বিশ্বৰ চলচ্চিত্ৰ জগত৷ অহা ২০ নৱেম্বৰৰ পৰা ২৮ নৱেম্বৰলৈ গোৱা পানাজীত অনুষ্ঠিত হ’ব ৫৫ সংখ্যক আন্তঃৰাষ্ট্ৰীয় চলচ্চিত্ৰ মহোৎসৱ ২০২৪৷
আই এফ এফ আই ২০২৪ৰ বিষয়বস্তু - “যুৱ চলচ্চিত্ৰ নিৰ্মাতা’ – ভৱিষ্যত এতিয়া” ।সৃষ্টিশীলতাৰ দিশত ভৱিষ্যত গঢ় দিয়াৰ ক্ষেত্ৰত যুৱক-যুৱতীসকলৰ সম্ভাৱনাক স্বীকৃতি দিয়ে IFFI এ।।
উল্লেখ্য যে এইবাৰ গোৱা আন্তঃৰাষ্ট্ৰীয় চলচ্চিত্ৰ মহোৎসৱত প্ৰদৰ্শিত হ’ব অসমীয়া জনপ্ৰিয় ছবি স্বৰ্গৰথ। A M টেলিভিছনৰ হৈ ড° সঞ্জীৱ নাৰায়ণ আৰু ডা: অক্ষতা নাৰায়ণৰ প্ৰযোজনা তথা ৰাজেশ ভূঞাৰ পৰিচালনাত মুক্তি লাভ কৰা 'স্বৰ্গৰথ' ইণ্ডিয়ান পেনোৰামালৈ নিৰ্বাচিত হৈছে। যি খৱৰ এতিয়া ছবিখনৰ কলা কুশলীৰ লগতে অসমীয়া চলচ্চিত্ৰজগতৰ বাবেই অতিকৈ গৌৰৱৰ বিষয়।
ইণ্ডিয়ান পেনোৰামালৈ নিৰ্বাচিত আন দুখন অসমীয়া ছবি ক্ৰমে ড° ববী শৰ্মা বৰুৱাৰ 'ৰ'দৰ পখী' আৰু যদুমণি দত্তৰ জুইফুল। সকলো শিল্পী, কলা-কুশলীলৈ শুভেচ্ছা প্রাগ নিউজ পৰিয়ালৰ।
Continue Reading
