ডিজিটেল ডেস্কঃ আমাৰ চৌপাশে প্ৰায়ে এনে বহু কাম সংঘটিত হয় যাক দেখিলে আমাৰ তেজ উঠলি উঠে। তেনে এটা ভিডিঅ’ ছ’চিয়েল মিডিয়াত ভাইৰেল হৈ আছে, যিটো দেখি আপোনাৰো খং উঠাটো স্বাভাৱিক৷ এই ভাইৰেল ভিডিঅ'টোত এজন ব্যক্তিয়ে ৰাজহুৱা স্থানত আন এজন ব্যক্তিৰ ওপৰত প্ৰস্ৰাৱ কৰি আছে। মানৱতাক লজ্জিত কৰা এইজন ব্যক্তিৰ ওপৰত ছ’চিয়েল মিডিয়া ব্যৱহাৰকাৰীয়ে নিজৰ ক্ষোভ প্ৰকাশ কৰিছে।
ভাইৰেল হৈ থকা এই ভিডিঅ'টো মধ্যপ্ৰদেশৰ বুলি কোৱা হৈছে। য'ত মানৱতাক চূড়ান্তভাৱে লজ্জিত কৰা হৈছে।এই ভিডিঅ'টোত এজন ব্যক্তিয়ে তলত বহি থকা আন এজন ব্যক্তিৰ ওপৰত প্ৰস্ৰাৱ কৰা দেখা গৈছে। এই ভিডিঅ'টোত প্ৰস্ৰাৱ কৰা ব্যক্তিজনে চিগাৰেট খাই এই ধৰণৰ নিৰ্লজ্জ কাম সংঘটিত কৰে। মানৱতাক লজ্জিত কৰা এই ভিডিঅ’টো ছ’চিয়েল মিডিয়াত ভাইৰেল হোৱাৰ লগে লগে নেটিজেনে তেওঁক গ্ৰেপ্তাৰ কৰাৰ দাবী উত্থাপন কৰিবলৈ আৰম্ভ কৰিলে।
এই ভিডিঅ’টোৰ প্ৰতি সচেতন হৈ মুখ্যমন্ত্ৰী শিৱৰাজ সিং চৌহানে টুইটযোগে অৱগত কৰিছে যে অভিযুক্তৰ বিৰুদ্ধে এন এছ এৰ অধীনত ব্যৱস্থা গ্ৰহণ কৰা হ’ব।
Continue Reading
