সোমবাৰে সমগ্ৰ দেশতে মহা আড়ম্বৰেৰে পালন কৰা হ'ল দেশৰ ৭৬ সংখ্যক স্বাধীনতা দিৱস। ব্ৰিটিছ উপনিৱেশিক শাসনৰ পৰা দেশে মুক্তি লাভ কৰা ৭৫ তম বৰ্ষপূৰ্তি উপলক্ষে কেন্দ্ৰীয় চৰকাৰে হাতত লৈছিল আজাদী কা অমৃত মহোৎসৱ কাৰ্যসূচীৰ। কিন্তু দেশৰ স্বাধীনতাৰ এই পবিত্ৰ দিনটোতে

Listen to Article

2 min read

80%

ডিজিটেল ডেস্ক: সোমবাৰে সমগ্ৰ দেশতে মহা আড়ম্বৰেৰে পালন কৰা হ'ল দেশৰ ৭৬ সংখ্যক স্বাধীনতা দিৱস। ব্ৰিটিছ উপনিৱেশিক শাসনৰ পৰা দেশে মুক্তি লাভ কৰা ৭৫ তম বৰ্ষপূৰ্তি উপলক্ষে কেন্দ্ৰীয় চৰকাৰে হাতত লৈছিল আজাদী কা অমৃত মহোৎসৱ কাৰ্যসূচীৰ। কিন্তু দেশৰ স্বাধীনতাৰ এই পবিত্ৰ দিনটোতে নাগালেণ্ডৰ মন জিলাত বিদ্ৰোহী গোটৰ আক্ৰমণত আহত হ'বলগীয়া হৈছে দেশৰ নিৰাপত্তাৰ দায়িত্বত নিয়োজিত দুগৰাকী সেনা জোৱান।

সোমবাৰে পুৱতি নিশা নাগালেণ্ডৰ মন জিলাৰ নিয়াচা গাঁৱত সংঘটিত হয় এই আক্ৰমণৰ ঘটনা। নাগালেণ্ডৰ স্থানীয় বিদ্ৰোহী গোটৰ সদস্যই চলোৱা গুলীচালনাত কৰ্তব্যৰত অৱস্থাত থকা আছাম ৰাইফলছৰ দুই জোৱানৰ শৰীৰত গুলী লাগে।

গুলীৰ আক্ৰমণত গুৰুতৰভাৱে আহত দুই জোৱানক লগে লগে যোৰহাটৰ এখন সামৰিক চিকিৎসালয়লৈ লৈ অনা হয়। আহত দুই জোৱানৰ এজনৰ অৱস্থা যথেষ্ট সংকটজনক বুলি জানিব পৰা গৈছে।

এই আক্ৰমণৰ আঁৰত নাগালেণ্ডৰ বিদ্ৰোহী সংগঠন এনএছচিএন-কে-ৱাইএ জড়িত আছিল বুলি সন্দেহ কৰা হৈছে। আনহাতে ৰাজ্যখনৰ আন কেইবাটাও প্ৰান্তত বিদ্ৰোহী সংগঠনসমূহে সোমবাৰৰ দিনটোত কূটাঘাতৰ প্ৰচেষ্টা চলায় বুলি জানিব পৰা গৈছে।

আনহাতে নাগালেণ্ডৰ ৰাজ্যিক প্ৰশাসনৰ নিৰ্দেশত স্বাধীনতা দিৱসৰ পৰিপ্ৰেক্ষিতত বিদ্ৰোহী গোটবোৰৰ কূটাঘাতৰ আশংকাত ৰাজ্যখনৰ স্পৰ্শকাতৰ এলেকাসমূহত নিৰাপত্তাৰ প্ৰতি লক্ষ্য ৰাখি অসম ৰাইফলছৰ সেনা মোতায়েন কৰা হৈছে।