ডিজিটেল ডেস্কঃ দেশৰ প্ৰান্তে প্ৰান্তে স্বাধীনতা দিৱস উদযাপন কৰি থকাৰ সময়তে ঝাৰখণ্ডত সংঘটিত হৈছে এক অঘটন। ৰাজ্য খনত মাওবাদীৰ গুলীত নিহত হৈছে দুজন জোৱান।
ঘটনাটো ঝাৰখণ্ডৰ সিংভূমৰ তান্ট অঞ্চলত সংঘটিত হৈছে। ঝাৰখণ্ড আৰক্ষীৰ সূত্ৰই প্ৰকাশ কৰা মতে নিহত জোৱান দুজন ঝাৰখণ্ডৰ জাগুয়াৰ আৰক্ষী বাহিনীৰ জোৱান আছিল।
নিহত জোৱান দুজনক অমিত তিৱাৰী আৰু গৌতম কুমাৰ বুলি চিনাক্ত কৰা হৈছে। মাওবাদীৰ সৈতে হোৱা সংঘৰ্ষৰ সময়তে তেওঁলোক আহত হৈছিল। পিছত তেওঁলোকৰ মৃত্যু হয়। পশ্চিম সিংভূম জিলাৰ আৰক্ষী অধীক্ষক আশুতোষ শেখৰে জোৱান দুজনৰ মৃত্যুৰ খবৰটো নিশ্চিত কৰিছে।
উল্লেখ্য কিছুদিন পূৰ্বে অঞ্চলটোত এজন চিআৰপিএফ জোৱানক মাওবাদীয়ে গুলীয়াই হত্যা কৰিছিল। সেই ঘটনাত এজন অসামৰিক লোক আঘাতপ্ৰাপ্ত হৈছিল। বিজেপি নেতা ৰাজেন্দ্ৰ প্ৰসাদ চাহুকো শনিবাৰে সন্ধিয়া ঝাৰখণ্ডৰ লাতেহাৰৰ বালুমথ আৰক্ষী থানা এলেকাত মাওবাদীয়ে গুলীয়াই হত্যা কৰিছিল।
Continue Reading
