ডিজিটেল ডেস্কঃ স্বাধীনতা দিৱসতে ভাৰতীয় বতৰ বিজ্ঞান বিভাগ (IMD)ৰ ঘোষণা। অসমকে ধৰি দেশৰ ১৮খন ৰাজ্যত আজি ধাৰাসাৰ বৰষুণৰ সম্ভাৱনা। দেশৰ ৰাজধানী দিল্লীকে ধৰি দেশৰ বহু ঠাইত গোটেই দিনটো বৰষুণ হোৱাৰ সম্ভাৱনা বুলি সদৰী কৰিছে ভাৰতীয় বতৰ বিজ্ঞান বিভাগে। আইএমডিয়ে ১৫ আগষ্টত উত্তৰাখণ্ড আৰু হিমাচল প্ৰদেশৰ বিভিন্ন স্থানত ধাৰাসাৰ বৰষুণৰ ভৱিষ্যতবাণী কৰিছে। ধাৰাসাৰ বৰষুণৰ প্ৰতি লক্ষ্য ৰাখি আজি উত্তৰাখণ্ডত অৰেঞ্জ এলাৰ্ট জাৰি কৰা হৈছে।
আইএমডিৰ বতৰ বুলেটিন অনুসৰি, আজি উপ-হিমালয় পশ্চিমবংগ, ছিকিম, ঝাৰখণ্ড, উৰিষ্যা, অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম আৰু ত্ৰিপুৰাৰ বিভিন্ন স্থানত ধাৰাসাৰৰ পৰা অতি ধাৰাসাৰ বৰষুণ হোৱাৰ সম্ভাৱনা আছে। ইফালে, সোমবাৰৰ বৰষুণৰ ফলত এতিয়ালৈকে হিমাচল প্ৰদেশৰ যথেষ্ট ক্ষতি হৈছে।
ইয়াৰ উপৰিও হিমাচল প্ৰদেশ, উত্তৰাখণ্ড, উত্তৰ প্ৰদেশ, ছত্তীশগড়, আন্দামান আৰু নিকোবৰ দ্বীপপুঞ্জ, পশ্চিমবংগ, ছিকিম, উৰিষ্যা, ঝাৰখণ্ড, অৰুণাচল প্ৰদেশ, অসম, মেঘালয়, নাগালেণ্ড, মণিপুৰ, মিজোৰাম, ত্ৰিপুৰা, তামিলনাডু, পুডুচেৰী আৰু কৰাইকালৰ বিভিন্ন স্থানত বজ্ৰপাত আৰু বৰষুণ হোৱাৰ সম্ভাৱনা আছে।
আইএমডিয়ে উত্তৰাখণ্ড, পূব মধ্য প্ৰদেশ আৰু ছত্তীশগড়ত ১৮ আগষ্টলৈকে ধাৰাসাৰ বৰষুণৰ ভৱিষ্যতবাণী কৰিছে। আই.এম.ডি.-ৰ মতে, মৌচুমী বায়ু ইয়াৰ স্বাভাৱিক স্থিতিৰ উত্তৰত অৱস্থিত। ই লাহে লাহে দক্ষিণদিশে আগবাঢ়িব আৰু ১৮ আগষ্টৰ ভিতৰত ইয়াৰ স্বাভাৱিক স্থিতিৰ ওচৰলৈ আহিব পাৰে।
Continue Reading
