শ্বাহৰূখক কিয় জন্মদিনৰ শুভেচ্ছা নজনালে ছিমৰনে? আৰিয়ান প্ৰসংগত কি ক’লে কাজলে?

নতুন দিল্লীঃ নদন-বদন পৰিৱেশে বিৰাজ কৰিছে শ্বাহৰুখৰ মন্নতত। শ্বাহৰূখৰ মুখমণ্ডলত দেখিবলৈ পোৱা গৈছে আনন্দৰ স্পষ্ট ৰেখ। পুত্ৰক কাষত পাই আহ্লাদিত শ্বাহৰূখ-গৌৰী। ইফালে পুত্ৰই ঘৰলৈ ওভতাৰ পাছতে ৫৬ বছৰীয়া হৈ পৰিল বলিউড বাদশ্বাহ শ্বাহৰূখ খান। বহুতো অনুৰাগীয়ে প্ৰিয় তাৰকাগৰাকীক জন্মদিনৰ শুভেচ্ছা জনাবলৈ ‘মন্নত’ৰ সন্মুখত ভিৰ কৰিছিল। কিন্তু লগ পোৱা নাছিল শ্বাহৰূখক। কাৰণ, সেই সময়ত মন্নত এৰি আলিবাগৰ ভিলাত আছিল বলীউড বাদশ্বাহ। কেৱল সাধাৰণ মানুহেই নহয়, কেইবাজনো বলীউড তাৰকাই ইনষ্টাগ্ৰাম আৰু টুইটাৰত কিং খানক জন্মদিনৰ শুভেচ্ছা জনাইছিল। আলিয়া ভট্ট, মালাইকা অৰোৰা, আয়ুষ্মান খুৰানা, ছলমান খানৰ দৰে তাৰকা অভিনেতাৰ শুভেচ্ছা বাণীৰে ভৰি পৰিছিল বাদশ্বাহৰ একাউণ্ট।

কিন্তু শ্বাহৰুখৰ দীৰ্ঘদিনীয়া ৰূপালী পৰ্দাৰ প্ৰেমিকা কাজলৰ নাম নাই সেই তালিকাত। কিন্তু কিয়? অনুৰাগীসকলৰ মনতো একেটা প্ৰশ্নই কৌতুহল সৃষ্টি কৰা পৰিলক্ষিত হৈছিল। কাজলে ইনষ্টাগ্ৰামত অনুৰাগীসকলৰ সৈতে প্ৰশ্ন-উত্তৰৰ এটা খেল খেলি আছিল। খেলৰ নিয়ম অনুসৰি প্ৰশ্নকৰ্তাই যিমান বিচাৰে সিমান প্ৰশ্ন সুধিব পাৰে আৰু সেইমতে উত্তৰ দি যাৱ কাজলে। খেলচলাকালীন সময়তে কাজললৈ এজন অনুৰাগীৰ পোনপটীয়া প্ৰশ্ন, ‘আপুনি শ্বাহৰুখ খানক জন্মদিনৰ শুভেচ্ছা কিয় নিদিলে?’

অনুৰাগীজনক হতাশ কৰা নাছিল তাৰকা অভিনেত্ৰীগৰাকীয়ে। শ্বাহৰূখৰ সাম্প্ৰতিক পৰিস্থিতিৰ কথা উল্লেখ কৰি কাজলে কয়, ‘মই শ্বাহৰূখক পৃথকে কি শুভকামনা দিওঁ? শ্বাহৰূখৰ সমষ্ট ইচ্ছা তেওঁৰ পুত্ৰ ঘৰলৈ উভতি অহাৰ দিনাই পূৰণ হৈছে।’ স্মৰ্তব্য যে, ড্ৰাগছৰ গোচৰত তেওঁক গ্ৰেপ্তাৰ কৰা হৈছিল শ্বাহৰূখ পুত্ৰক। জামিনৰ আবেদন দুবাৰকৈ নাকচ হোৱাৰ পাছত তেওঁৰ পুত্ৰৰ জামিনৰ বাবে বোম্বাই উচ্চ ন্যায়ালয়ৰ কাষ চাপিছিল শ্বাহৰূখে। আদালতৰ সেই ৰায়ৰ পাছত আৰিয়ানক ঘৰলৈ উভতি যাবলৈ অনুমতি দিয়া হৈছিল।