ডিজিটেল ডেস্কঃ এখন নিম্ন আদালতে এজন ব্যক্তিৰ বিবাহ বিচ্ছেদৰ গোচৰৰ শুনানিৰ সময়ত ভৰণপোষণৰ বাবে তেওঁৰ পত্নীক প্ৰতি মাহে ৫,০০০ টকাকৈ পৰিশোধ কৰিবলৈ নিৰ্দেশ দিছিল । সোকজনে নিম্ন আদালতৰ আদেশটোক প্ৰত্যাহ্বান জনাই পঞ্জাৱ আৰু হাৰিয়ানা উচ্চ ন্যায়ালয়ৰ কাষ চাপিছিল। পঞ্জাৱ আৰু হাৰিয়ানা উচ্চ ন্যায়ালয়ে গোচৰটো সন্দৰ্ভত স্পষ্ট কৰি দিছে যে স্বামীয়ে যি কামেই নকৰক কিয়, বিবাহ বিচ্ছেদৰ পিছত পত্নীৰ ভৰণপোষণৰ দায়িত্ব গ্ৰহণ কৰিবই লাগিব।
স্বামীয়ে যদি পেছা হিচাবে ভিক্ষাও কৰে তথাপি পত্নীৰ ভৰণপোষণৰ দায়িত্ব ল’বই লাগিব বুলি আদালতে কয়।আদালতে কয় "স্বামীয়ে তেওঁৰ পত্নীৰ ভৰণপোষণৰ দায়িত্ব গ্ৰহণ কৰাটো আদৰ্শগত দায়িত্ব, আনকি স্বামীয়ে পেছাদাৰীভাৱে ভিক্ষা কৰিলেও সেই দায়িত্ব পালন কৰিব লাগিব" । উল্লেখ্য আবেদনকাৰীৰ পত্নীয়ে হিন্দু বিবাহ আইনৰ ধাৰা ২৪ ৰ অধীনত বিবাহ বিচ্ছেদৰ গোচৰ ৰুজু কৰিছিল। নিম্ন আদালতত দাখিল কৰা আবেদনত তেওঁ তেওঁৰ স্বামীৰ পৰা প্ৰতি মাহে ১৫,০০০ টকা দাবী কৰিছিল। আদালতে তেতিয়া কৈছিল যে মহিলাগৰাকীৰ স্বামীয়ে তেওঁৰ পত্নীক প্ৰতি মাহে ধন পৰিশোধ কৰিব লাগিব। আদালতে স্বামীক প্ৰতিটো শুনানিৰ বাবে তেওঁৰ পত্নীক ৫০০ টকা পৰিশোধ কৰিবলৈও নিৰ্দেশ দিছিল।
ইফালে, মহিলাগৰাকীৰ স্বামীয়ে আদেশটোক প্ৰত্যাহ্বান জনাই উচ্চ ন্যায়ালয়ৰ কাষ চাপিছিল। আদালতে কয় যে এই ক্ষেত্ৰত, স্বামীয়ে প্ৰমাণ কৰিব নোৱাৰিলে যে তেওঁৰ পত্নীয়ে ক'ৰ পৰা কিমান টকা উপাৰ্জন কৰে। ফলস্বৰূপে পত্নীৰ উপাৰ্জনৰ কোনো উৎস নাই বুলি ধৰি লোৱা হৈছে। তেনে ক্ষেত্ৰত যদি স্বামীয়ে ভিক্ষাও কৰি জীৱিকা অৰ্জন কৰে, তথাপি পত্নীৰ ভৰণপোষণৰ খৰচ বহন কৰিব লাগিব।
Continue Reading
