ডিজিটেল ডেস্কঃ বৈবাহিক সম্পৰ্ক সুন্দৰকৈ চম্ভালি থকাটো অতি প্ৰত্যাহ্বানজনক কাম। বহু দায়িত্ব পালন কৰাৰ সমান্তৰালভাৱে তেওঁ নিজৰ সংগীৰ প্ৰতিও আনুগত্যশীল হ’ব লাগিব। আপোনালোকে নিশ্চয় প্ৰায়ে এনেকুৱা খবৰ শুনিছে যে এখন সংসাৰত যেতিয়া তৃতীয়জনৰ প্ৰৱেশ ঘটে তেতিয়া সেইখন আৰু সংসাৰ হৈ নাথাকে, স্বামী-স্ত্ৰীৰ সম্পৰ্ক ভাঙি যায়।
যদি এগৰাকী পত্নীয়ে স্বামীৰ নতুন প্ৰেমৰ কথা জানি সেই সম্পৰ্কক বৈবাহিক সম্পৰ্কৰ নাম দিব বিচাৰে তেন্তে সেই কথা শুনিলে আপোনাৰ আচৰিত যেন নালাগিবনে...কিন্তু এনে অবাস্তৱ যেন লগা কথাও সময়ে সময়ে বাস্তৱ জীৱনত সংঘটিত হয়। পাকিস্তানৰ এজন মানুহৰ প্ৰেম কাহিনীয়ে এতিয়া সকলোতে চৰ্চা লাভ কৰিছে। তেওঁৰ প্ৰথম পত্নীয়ে নিজেই স্বামীক দ্বিতীয়বাৰৰ বাবে বিয়া কৰোৱাৰ অনুমতি দিছে আৰু তিনিওগৰাকীয়ে এতিয়া একেলগে সুখেৰে বাস কৰিছে।
খবৰ অনুসৰি ২৪ বছৰীয়া মজহৰ হুছেইনৰ ঘৰ পাকিস্তানৰ লাহোৰত। ৩৫ বছৰীয়া আমনা তেওঁৰ প্ৰথম পত্নী। মজহৰ হুছেইনৰ দ্বিতীয় পত্নীৰ বয়স ১৮ বছৰ। ইয়াত আটাইতকৈ গুৰুত্বপূৰ্ণ কথাটো হ’ল স্বামীৰ দ্বিতীয় বিবাহ তেওঁৰ প্ৰথম পত্নীয়ে নিজেই কৰাই দিছিল। প্ৰথম পত্নী আমনাই কয় যে মজহাৰে তৃতীয়বাৰৰ বাবে বিয়া পাতিলেও তেওঁৰ কোনো সমস্যা নাই।
মজহৰে কৈছিল যে আমনা তেওঁৰ প্ৰথম পত্নী। আমনা তেওঁৰ মোমায়েকৰ ছোৱালী। তেওঁলোকৰ দুটা সন্তান আছে। আমনাই কয় যে তেওঁৰ আৰু সন্তান হোৱা নাছিল, সেয়ে তেওঁ স্বামীৰ দ্বিতীয় বিবাহ কৰাইছিল। মজহৰৰ দ্বিতীয় পত্নীয়ে আগতে আমনাৰ ওচৰলৈ টিউচন কৰিবলৈ আহিছিল।
আমনাই কয় যে তেওঁ বিচাৰে মজহৰে তৃতীয়বাৰৰ বাবে বিয়া কৰাওক। এই কথাত তেওঁ একো আপত্তি নকৰে। আশ্চৰ্যজনকভাৱে মজহৰৰ দ্বিতীয় পত্নীও আমনাৰ কথাত একমত। আমনাই কয় যে তৃতীয় বিবাহৰ বাবে বহু প্ৰস্তাৱ আহিছে। যদি আমি এটা ভাল প্ৰস্তাৱ দেখিবলৈ পাওঁ তেতিয়া আমি নিশ্চয়কৈ সন্মতি জনাম।
Continue Reading
