স্বামীক ডিভ'ৰ্চ দি মহিলাই কৰিছিল পাৰ্টি; তাতে প্ৰেমত পৰিল এজন ৱেটাৰৰ! তাৰপাছত?

এই ঘটনা অষ্ট্ৰেলিয়াৰ মেলবৰ্ণৰ, য’ত এই আচৰিত প্ৰেমৰ কাহিনীটো চৰ্চালৈ আহিছে। গেব্ৰিয়েলা লেণ্ডলফি নামৰ মহিলাগৰাকীয়ে যেতিয়া স্বামীৰ সৈতে বিবাহ বিচ্ছেদ কৰিছিল, তেতিয়া তেওঁ ভবা নাছিল যে ইমান সোনকালে কোনোবা তেওঁৰ জীৱনত প্ৰৱেশ কৰিব। মহিলাগৰাকীয়ে ঘৰতে এটা সৰু পাৰ্টি অনুষ্ঠিত কৰি পাৰ্টিত থকা অতিথিসকলক খাদ্য পৰিবেশন কৰিবলৈ জন নামৰ এজন ওৱেটাৰ নিয়োগ কৰে। পাৰ্টি শেষ হোৱাৰ পাছত সকলো অতিথি নিজ নিজ ঘৰলৈ ৰাওনা হয়। পিছদিনা যেতিয়া গেব্ৰিয়েলা সাৰ পালে তেতিয়া তেওঁ মোবাইলত এটা মেছেজ দেখিলে। মেছেজত লিখা আছিল- পাৰ্টিৰ পাছত আপুনি ঠিকেই আছেনে? 

গেব্ৰিয়েলাই যেতিয়া মেছেজ প্ৰেৰকৰ নাম সুধিলে, তেতিয়া গেব্ৰিয়েলাই গম পালে যে তেওঁ যিজন ৱেটাৰক পাৰ্টিত নিয়োগ কৰিছিল, সেইজনেই এই মেছেজ দিছে। তেওঁৰ নাম জন। দুয়োজনৰ মাজত মেছেজত কথা-বাৰ্তা আগবাঢ়িল। ইয়াৰ পৰাই দুয়োৰে মাজত ঘনিষ্ঠতা বাঢ়িবলৈ ধৰিলে। ফোনত কথা-বতৰাৰ পিছত গেব্ৰিয়েলা আৰু জন সঘনাই লগ হ’বলৈ ধৰিলে আৰু প্ৰায় এমাহ ধৰি ইজনে সিজনৰ লগত ডেটিং কৰাৰ পিছত দুয়োজনে বিয়াৰ সিদ্ধান্ত ল’লে। গেব্ৰিয়েলাই ক’লে, ‘‘মই কেতিয়াও ভবা নাছিলো যে মই কেতিয়াবা তেওঁৰ লগত সম্পৰ্ক স্থাপন কৰিম, পাৰ্টিৰ বাবে নিযুক্তি দিয়া টপলেছ ওৱেটাৰজনক বিয়া কৰাৰ কথা সপোনতো ভাবিব নোৱাৰো। কিন্তু যেতিয়া মই লাহে লাহে তেওঁক চিনি পাবলৈ আৰম্ভ কৰিলোঁ, তেতিয়া মই গম পালোঁ যে তেওঁ এজন অসাধাৰণ মানুহ।’’ 

গেব্ৰিয়েলাই লগতে কয় যে, ‘‘এতিয়া জনৰ সৈতে বিয়া পাতি মই বহু সুখী। বিবাহ বিচ্ছেদৰ উদযাপনৰ বাবে আহ্বান কৰা পাৰ্টিৰ সেই মুহূৰ্তবোৰে মোৰ জীৱনটো চিৰদিনৰ বাবে সলনি কৰি দিব বুলি মই ভবাই নাছিলোঁ।এই প্ৰেম কাহিনী সন্দৰ্ভত গেব্ৰিয়েলাই কৈছিল, ‘‘বিবাহ বিচ্ছেদৰ পিছত মই সুখী আছিলো, এতিয়া মই মুক্ত বুলি ভাবি ভাল লাগিছিল। পাৰ্টিৰ সময়ত জনৰ লগত কথা পাতিছিলো নে নাই সেই কথা মোৰ মনত নাই, কিন্তু মোৰ এটা কথা মনত আছে যে তেওঁ কৈছিল যে পাৰ্টিৰ পৰা যোৱাৰ পাছত পিছদিনা তেওঁ মোক মেছেজ কৰিব। এই গোটেই পাৰ্টিয়ে মোৰ জীৱনৰ ৰং সলাই দিলে।’’