স্বামীক এৰি সমুদ্ৰতীৰত কাৰ লগত ৰোমাঞ্চ দীপিকাৰ? পত্নীৰ লিপ-লকৰ দৃশ্যই খুলি খাইছে ৰণবীৰক!

ডিজিটেল ডেস্ক: বলীউডৰ এক অন্যতম সফল যুটি ৰণবীৰ-দীপিকা। নিজৰ অভিনয়শৈলীৰে লক্ষ লক্ষ অনুৰাগীৰ হৃদয়ত স্থান দখল কৰিছে ৰণবীৰ সিং আৰু দীপিকা পাডুকনে। দক্ষতাৰ লগতে দীপিকাৰ ৰূপ-লাৱণ্যৰ কথাই সুকীয়া! নিজৰ সুখকৰ সাংসাৰিক জীৱনৰ কথা প্ৰায়েই ছ’চিয়েল মিডিয়াত প্ৰচাৰ কৰি থাকে লাইমলাইটত থকা বলীউড যুটিটোৱে। এইবাৰ অন্য পুৰুষৰ সৈতে সমুদ্ৰতীৰত দীপিকাৰ ৰোমাঞ্চৰ দৃশ্যই গৰম কৰি ৰাখিছে ছ’চিয়েল মিডিয়া। পত্নীক আটোমটোকাৰীকৈ ৰখা ৰণবীৰৰ বাবে এয়া যেন অসহনীয় দৃশ্য!

ৰণবীৰ সিঙৰ সৈতে বিবাহপাশত আবদ্ধ হোৱাৰ পাছত প্ৰথমবাৰলৈ এক অনন্য আৱেদনময়ী লুকত দেখা পোৱা গৈছে দীপিকাক। অভিনেত্ৰীগৰাকীৰ পৰৱৰ্তী ছবি ‘গেহৰাইয়া’ৰ টীজাৰ ইতিমধ্যে মুকলি হৈছে। ছবিখনৰ এটা দৃশ্যত বিকিনি পৰিহিতা দীপিকাই অভিনেতা সিদ্ধান্ত চতুৰ্বেদীৰ সৈতে সমুদ্ৰতীৰত ৰোমাঞ্চত ডুব গৈ থকা দেখা গৈছে। টীজাৰত দেখুওৱা দীপিকা-সিদ্ধান্তৰ ৰোমাঞ্চে মনোৰঞ্জন জগতত চৰ্চিত হৈ আছে। সমুদ্ৰতীৰত দীপিকা আৰু সিদ্ধান্তৰ লিপ-লকৰ দৃশ্যই অনুৰাগীৰ দৃষ্টি আকৰ্ষণ কৰিছে। ‘গেহৰাইয়া’ত দীপিকা পাডুকন আৰু সিদ্ধান্ত চতুৰ্বেদীৰ লগত অনন্যা পাণ্ডেই অভিনয় কৰিছে। উল্লেখ্য যে, ছবিখনে ২৫ জানুৱাৰী, ২০২২ত অ’টিটি প্লেটফৰ্ম এমাজন প্ৰাইম ভিডিঅ’ত মুক্তিলাভ কৰিব।

দিপীকা পাডুকনে ছবিখনৰ দৃশ্য ছ’চিয়েল মিডিয়াত শ্বেয়াৰ কৰি ‘মোৰ হৃদয়ৰ এটা টুকুৰা…’ বুলি লিখিছে। লগতে অনন্যা পাণ্ডেই ‘এয়া আৰু অধিক ডুবি যোৱাৰ সময়…’ বুলি লিখিছে। তদুপৰি সিদ্ধান্ত চতুৰ্বেদীয়ে লিখে, ‘কোৱা হয়, আপুনি যিটো বস্তু বিচাৰে তাত নিজৰ কিবা নহয় কিবা এৰি দিবলগা হয়; ইয়াত আপুনি মোৰ অন্তৰ পাব’।