ডিজিটেল ডেস্কঃ মৃত্যুৰ পাছত কি হয় সেই বিষয়ে সকলোতে চৰ্চা হৈ আহিছে। মানুহৰ মৃত্যুৰ পাছত কি হয় কোনেও নাজানে, যদিও কেতিয়াবা মানুহে মৃত্যুৰ পাছত পুনৰ জীৱিত হৈ ‘মৃত’ অৱস্থাত অনুভৱ কৰা কথাবোৰ বৰ্ণনা কৰাৰ উদাহৰণ মাজে-সময়ে পোৱা যায়। মৃত্যু হোৱাৰ ২৭ মিনিটৰ পাছত পুনৰ জীৱিত হৈ উঠিল এগৰাকী মহিলা।
হৃদযন্ত্ৰ ক্ৰিয়া বন্ধ হৈ চিকিৎসালয়ত মৃত্যু ঘটিছিল মহিলাগৰাকীৰ। মহিলাগৰাকী আমেৰিকাৰ এৰিজোনাৰ বাসিন্দা টিনা হাইনছ। চাৰিটা সন্তানৰ মাতৃ টিনাই পুনৰ জীৱন পোৱাৰ পাছত হাস্পতালৰ বিচনাতে থাকি পৰিয়ালৰ লোকক কাগজ-কলম আনিবলৈ ইংগিত দিয়ে। সেই কাগজত টিনাই স্পষ্টকৈ লিখিলে- ‘এয়া বাস্তৱ।’(It is real)
পৰিয়ালৰ লোকে টিনাক সুধে যে ‘এয়া বাস্তৱ’ বুলি তেওঁ কি ক’ব বিচাৰিছে। তেতিয়া টিনাই লিখে যে ‘স্বৰ্গ সঁচাই আছে’(Heaven is real)
সুস্থ হৈ উঠাৰ পাছত টিনাই দাবী কৰে যে তেওঁৰ মৃত্যুৰ পাছত তেওঁ স্বৰ্গ দেখা পাইছিল আৰু তেওঁ যীশুকো দেখা পাইছিল।
টিনাই কৈছিল “যীশু যত থিয় হৈ আছিল তাৰ ঠিক পিছফালে এক অবিশ্বাস্য জিলিকনি আছিল। সেই জিলিকনি আটাইতকৈ স্পন্দনশীল আৰু ধুনীয়া উজ্জ্বল হালধীয়া আছিল। ঈশ্বৰে মোৰ জীৱনটো এক অলৌকিকতাৰে ৰক্ষা কৰিবলৈ বাছি লৈছিল, তেওঁৰ দয়া, মংগল আৰু প্ৰেম দেখুৱাবলৈ। ২৭ মিনিট মোৰ উশাহ বন্ধ কৰি মোক পুনৰ জীৱনৰ উশাহ দিলে ঈশ্বৰে। তেওঁ মোক তেওঁৰ সুন্দৰ সৌন্দৰ্য্য আৰু প্ৰেমৰ বিষয়ে জনাবলৈ অনুমতি দিছিল।’’
Continue Reading
