টাটা কোম্পানীৰ ' মহিলাক নিযুক্তি নিদিয়া' ৰ নীতিৰ বিৰুদ্ধে জেআৰডি টাটালৈ পত্ৰ লিখি প্ৰতিবাদ কৰিছিল ইনফোচিছৰ অধ্যক্ষা সুধা মূৰ্তিয়ে

কম্পিউটাৰ বিজ্ঞান আৰু অভিযান্ত্ৰিক শাখাৰ এসময়ৰ শিক্ষাৰ্থী  সুধা মূৰ্তি শ্ৰেণীত ৫৯৯  জন ল'ৰাৰ বিপৰীতে একমাত্ৰ ছাত্ৰী আছিল। অমিতাভ বচ্চনৰ 'কৌন বনেগা কৰোড়পতি ১১'ত তেওঁশ্ৰেণীত একমাত্ৰ ছাত্ৰী হোৱাৰ অভিজ্ঞতাৰ  বিষয়ে স্পষ্টভাৱে কৈছিল ।দৰেচলতে সুধা মূৰ্তিৰ পিতৃ-মাতৃয়ে সুধাই অভিযান্ত্ৰিক কেৰিয়াৰ বাছনি কৰাৰ সিদ্ধান্তত সুখী নাছিল।কিন্তু  সুধা মূৰ্তি পিছৱাই যোৱা  নাছিল । কলেজত তেওঁক  প্ৰতিদিনে কেৱল শাৰী পিন্ধিবলৈহে আদেশ দিয়া হৈছিল আৰু কলেজৰ কেণ্টিনলৈ যোৱাত  বা ল'ৰাৰ সৈতে কথা পতাৰো  অনুমতি দিয়া হোৱা নাছিল। 

কিন্তু তেওঁ ইমানবোৰ বাধ্যবাধকতাৰ মাজতো শ্ৰেণীত শীৰ্ষস্থান দখল কৰিছিল। ইয়াৰ পিছতে ছাত্ৰসকলে প্ৰতিভাক চিনাক্ত কৰিবলৈ সক্ষম হৈছিল  আৰু তেওঁক সম  ব্যৱহাৰ কৰিবলৈ আৰম্ভ কৰিছিল। পঢ়ি থকা সময়তে সুধাই জেআৰডি টাটালৈ এখন পত্ৰও লিখি তেওঁৰ কোম্পানীত "মহিলাৰ নিযুক্তিকলৈ কোনো নীতি নাই" বুলি অভিযোগ কৰিছিল আৰু এই বিষয়ত উদাৰ হ’বলৈ টাটাক আহ্বান জনাইছিল।১৯৭২ চনৰ 'দ্য কপিল শৰ্মা শ্ব'ৰ ঘটনাৰ কথা মনত পেলাই উদ্যোগীগৰাকীয়ে কয় যে তেওঁ বাংগালোৰৰ টাটা ইনষ্টিটিউটত এম টেক সম্পূৰ্ণ কৰাৰ সময়ত আমেৰিকাত পিএইচডি কৰিবলৈ বৃত্তি লাভ কৰিবলৈ চেষ্টা কৰি আছিল।তেওঁ কৈছিল" এদিন মই মোৰ হোষ্টেললৈ উভতি আহি আছিলো আৰু মই এখন টাটা কোম্পানীৰ জাননী পাইছিলো। তাত পুৰুষ   অভিযন্তাসকলক ভাল দৰমহাৰ সৈতে চাকৰিৰ বাবে প্ৰস্তাৱ দিয়া হৈছিল, কিন্তু শেষত, তেওঁলোকে উল্লেখ কৰিছিল যে মহিলা শিক্ষাৰ্থীসকলে আবেদন কৰাৰ প্ৰয়োজন নাই। এই কথাই সুধাক আচৰিত কৰি তুলিছিল। 

সুধাই কয়-  মোৰ বয়স তেতিয়া ২৩ বছৰ আছিল, সেই বয়সত মোৰ  খং উঠাটো স্বাভাৱিক কথা আছিল।,"  মহিলা অভিযান্ত্ৰিক বিদ্যাৰ্থীসকলকলৈ টাটা কোম্পানীৰ বহুতৰে  মনত থকা  বৈষম্যৰ মনোভাবক প্ৰত্যাহ্বান জনোৱাৰ উদ্দেশ্যৰে, সুধাই জেআৰডি টাটালৈ এখন পত্ৰ লিখিবলৈ সিদ্ধান্ত লৈছিল।সুধাই কয় " মোৰ পত্ৰখনত, মই তেওঁক লিখিছিলো, ছাৰ, জেআৰডি টাটা, যেতিয়া দেশখন স্বাধীন  হোৱা নাছিল, আপোনাৰ গোটে ৰাসায়নিক পদাৰ্থ, লোকোমোটিভ, লো আৰু ইস্পাত উদ্যোগ আৰম্ভ কৰিছিল। আপুনি সদায় সময়তকৈ আগবাঢ়ি থাকে। এই সমাজত ৫০  শতাংশ পুৰুষ আৰু ৫০  শতাংশ মহিলা আছে। যদি আপুনি মহিলাসকলক সুযোগ নিদিয়ে, তেন্তে আপুনি মহিলাসকলৰ সেৱাক অৱজ্ঞা কৰি আছে। ইয়াৰ অৰ্থ হৈছে  দেশৰ উন্নতি নহ'ব। যদি মহিলাসকলে শিক্ষা আৰু চাকৰিৰ সুযোগ নাপায়, তেন্তে সমাজ বা দেশ কেতিয়াও সমৃদ্ধ নহয়  আৰু এয়া  আপোনাৰ কোম্পানীৰ এটা ভুল ," ।