ট্ৰেইনত যাত্ৰা কৰি থকাৰ অৱস্থাতে চুৰি হ’ল সিন্দেৰ ফোন, আৰক্ষীয়ে আটক কৰিলে অভিযুক্তক

ডিজিটেল ডেস্কঃ মহাৰাষ্ট্ৰৰ প্ৰাক্তন মুখ্যমন্ত্ৰী সুশীল কুমাৰ সিন্দেৰ ফোন চোৰ কৰাৰ অভিযোগত এগৰাকী লোকক আটক কৰা হৈছে। আৰক্ষীৰ সূত্ৰই সোমবাৰে প্ৰকাশ কৰা মতে, ৬ অক্টোবৰত মান্দাৰ প্ৰমোদ গৌৰৱ নামৰ উক্ত অভিযুক্তজনে সিন্দেৰ মোবাইল ফোন চুৰি কৰিছিল। আজি তেওঁক চৰকাৰী ৰেলৱে’ পুলিছে ১৪ দিনৰ ন্যায়িক জিম্মালৈ প্ৰেৰণ কৰা হৈছে।

অভিযুক্ত মান্দাৰ প্ৰমোদ গৌৰৱ সিন্দেৰ সমষ্টি ছোলাপুৰৰ বাসিন্দা। অভিযোগ অনুসৰি, জ্যেষ্ঠ কংগ্ৰেছ নেতা তথা মহাৰাষ্ট্ৰৰ প্ৰাক্তন মুখ্যমন্ত্ৰীগৰ সিন্দেই ট্ৰেইনযোগে মুম্বাইলৈ যাত্ৰা কৰি থকাৰ অৱস্থাতে তেওঁৰ ফোনটো চুৰি হয়।

আৰক্ষীয়ে প্ৰকাশ কৰা মতে, সিন্দেৰ স’তে অভিযুক্ত মান্দাৰ গৌৰৱে একেটা ডবাতে আহিছিল। সিন্দেই ফোনটো নিজৰ চিটত থৈ টয়লেটলৈ যোৱাৰ সময়তে গৌৰৱে ফোনটো চুৰি কৰে। তাৰপাছতে তেওঁক আটক কৰা হয় আৰু ন্যায়ালয়ে এদিনৰ বাবে আৰক্ষীৰ জিম্মালৈ প্ৰেৰণ কৰে।