ডিজিটেল ডেস্ক
শেহতীয়াকৈ ভাইৰেল হৈছে টেক্সাচৰ নদী এখনৰ ফটো ৷ ভাইৰেল ছবিখনক লৈ সমগ্ৰ বিশ্ব উৎসাহিত। টেক্সাচৰ নদীখনৰ পানী শুকাই যোৱাৰ লগে লগে এনে এক আচৰিত কথা সন্মুখলৈ আহিল, যিয়ে সকলোকে আচৰিত কৰি তুলিলে। আনহাতে স্থানীয় আৱাসীসকল আতংকিত হৈ পৰিছে। কাৰণ নদীৰ পানী শুকাই যোৱাৰ লগে লগে দৃশ্যমান হৈছে ডাইন’চৰৰ পদচিহ্ন৷ সকলোৱে ইয়াক ডাইন’চৰৰ পদচিহ্ন বুলি দাবী কৰিছে। ইফালে, ছবিখন ছ'চিয়েল মিডিয়াত ভাইৰেল হৈ পৰিছে।
ভাইৰেল ছবিখনক লৈ ছচিয়েল মিডিয়াত যথেষ্ট হুলস্থূল হৈছে। জানিব পৰা গৈছে যে নদীখন ডাইনোচৰ ভেলী ষ্টেট পাৰ্কৰ মাজেৰে বৈ গৈছে। ডাইনোচৰবোৰ যাৰ পদচিহ্ন পোৱা গৈছে প্ৰায় ১১৩ নিযুত বছৰ আগতে পৃথিৱীত আছিল। ভাইৰেল ছবিখন দেখি এনে দাবী কৰা হৈছে। ভাইৰেল ছবিখনত, ডাইনোচ’ৰৰ ভৰিৰ ছবিত তিনিটা আঙুলি দেখা গৈছে।
যদিও কোনেও ডাইনোচ'ৰৰ পোনপটীয়াকৈ দেখা নাই, পৃথিৱীৰ বিভিন্ন প্ৰান্তত ডাইন’চৰৰ প্ৰমাণ পোৱা গৈছে। টেক্সাছ উদ্যান আৰু বন্যপ্ৰাণী বিভাগৰ এগৰাকী বিষয়া ষ্টেফানি চোলিনাজ গ্ৰেচিয়াই কয় যে নদীখন শুকাই যোৱাৰ লগে লগে পানী কমি গৈছিল। ফলস্বৰূপে, ডাইনোচৰৰ পদচিহ্ন স্পষ্টভাৱে দেখা গ’ল। তেওঁলোকে এই ৰাস্তাৰ মাজেৰে ভ্ৰমণ কৰিছিল। তেওঁ কৈছিল যে উদ্যানখনৰ ভিতৰত কেইবাটাও ঠাই পোৱা গৈছে যিবোৰ আগতে পানীৰ তলত আছিল। শেহতীয়াকৈ, তাত দুটা প্ৰজাতিৰ ডাইনোচৰৰ পদচিহ্ন পোৱা গৈছে।
নদীখন শুকাই যোৱাৰ ফলত টেক্সাছৰ উদ্যানত পোৱা ডাইনোচৰৰ বেছিভাগ পদচিহ্ন এক্ৰোকেণ্টোচ'ৰাছ প্ৰজাতিৰ। এটা প্ৰাপ্তবয়স্ক এক্ৰোকেণ্টোচ'ৰাছৰ স্বাভাৱিক ওজন প্ৰায় সাত টন আছিল আৰু ইয়াৰ দৈৰ্ঘ্য আছিল প্ৰায় ১৫ ফুট। চাৰোপোচি ডন প্ৰজাতিৰ ডাইন’চৰৰ কিছুমান চিহ্নও আছে। এই প্ৰজাতিৰ ডাইন’চৰৰ ওজন প্ৰায় ৪৪ টন আছিল আৰু উচ্চতা প্ৰায় ৬০ ফুট আছিল।এই ডাইন’চৰৰ ভৰিৰ ফটো ছচিয়েল মিডিয়াত ভাইৰেল হোৱাৰ লগে লগে এক নতুন গৱেষণৰ বাট মুকলি হৈছে৷
Continue Reading
