ডিজিটেল ডেস্ক: শেহতীয়াকৈ ভাৰতে টি-২০ বিশ্বকাপ ২০২২ৰ বাবে দল ঘোষণা কৰিছে। উল্লেখযোগ্য যে মহম্মদ ছামীক ইয়াত অন্তৰ্ভুক্ত কৰা নহল। টীম ইণ্ডিয়াৰ অভিজ্ঞ বলাৰ মহম্মদ ছামীয়ে বহুবাৰ উজ্জ্বল প্ৰদৰ্শন আগবঢ়াইছে। কিন্তু ২০২১ চনৰ নৱেম্বৰৰ পৰা তেওঁ এই দুৰ্দান্ত প্ৰতিভা দেখুওৱাৰ পৰা বঞ্চিত হয়। বিশ্বকাপৰ বাবে ছামীক দলত অন্তৰ্ভুক্ত নকৰাক লৈ ছ’চিয়েল মিডিয়াত হুলস্থুলৰ সৃষ্টি হৈছিল। তেওঁৰ অনুৰাগীসকলে ইয়াৰ বিৰোধিতা কৰিছিল। জানিব পৰা মতে ছামীক ষ্টেণ্ডবাইতত ৰখা হৈছে।
ৰাইট আৰ্ম ফাষ্ট বলাৰ ছামীয়ে এতিয়ালৈকে ১৭ খন টি-২০ আন্তঃৰাষ্ট্ৰীয় মেচ খেলিছে আৰু এই সময়ছোৱাত তেওঁ ১৮ টা উইকেট দখল কৰিছে। এই সময়ছোৱাত তেওঁৰ সৰ্বোত্তম প্ৰদৰ্শন আছিল ১৫ ৰানত ৩টা উইকেট দখল কৰা। ২০২১ চনৰ নৱেম্বৰ মাহত ভাৰতৰ হৈ নামিবিয়াৰ বিৰুদ্ধে তেওঁ শেষৰখন টি-২০ মেচ খেলিছিল। ইয়াৰ পিছত তেওঁ পুনৰ এই বিন্যাসত উভতি যাব নোৱাৰিলে। এছিয়া কাপ ২০২২ৰ বাবে ভাৰতীয় দলত স্থান নাপালে ছামীয়ে। এতিয়া তেওঁলোক বিশ্বকাপৰ দলৰ পৰা বাহিৰ হৈছে।
ভাৰতীয় দলৰ প্রাক্তন অধিনায়ক তথা বাছনি সমিতিৰ প্রাক্তন অধ্যক্ষ কে শ্ৰীকান্তই ছামীক ভাৰতীয় দলত অন্তৰ্ভুক্ত নকৰাত আশ্চর্য প্রকাশ কৰিছে৷ তেওঁ ষ্টাৰ স্প’ৰ্টছৰ কাৰ্যসূচীত কৈছিল যে মই যদি বাছনি সমিতিৰ অধ্যক্ষ হওঁ তেন্তে নিশ্চিতভাৱে ছামীক দলত অন্তৰ্ভুক্ত কৰিম। ছ’চিয়েল মিডিয়াতো ছামীৰ অনুৰাগীসকলে বহু প্ৰতিক্ৰিয়া প্ৰকাশ কৰিছে।
এইবাৰ ১৬ অক্টোবৰৰ পৰা অষ্ট্ৰেলিয়াত অনুষ্ঠিত হ’ব টি-২০ বিশ্বকাপ। অষ্ট্ৰেলিয়াৰ খেলপথাৰসমূহ দ্ৰুত পিটচৰ বাবে পৰিচিত। গতিকে দ্ৰুত বলাৰসকলে ভাৰত বা তাত থকা যিকোনো দলৰ বাবে অধিক সহায়ক বুলি প্ৰমাণিত হ’ব। এনে অৱস্থাত ছামীৰ দৰে অভিজ্ঞ বলাৰ দলৰ পৰা আঁতৰি যোৱাটো বহুতৰে বাবে আচৰিত হৈ পৰিছিল।
Continue Reading
