ডিজিটেল ডেস্ক : ৰাছিযা-ইউক্ৰেইনৰ সংঘৰ্ষৰ মাজতে এক উদ্বেগজনক খবৰে সকলোকে কৰিছে ব্যথিত৷ অসম ৰাইফলছৰ জোৱানআৰু এন এছ চি এন উগ্ৰপন্থীৰ মাজত সংঘৰ্ষৰ সুত্ৰপাত ঘটে৷ খবৰ অনুসৰি দেওবাৰে সন্ধিয়া অৰুণাচল প্ৰদেশৰ টিৰাপ জিলাৰ খোনছাৰ ওচৰত অসম ৰাইফলছৰ জোৱান আৰু সন্দেহযুক্ত এন এছ চি এন বিদ্ৰোহীসকলৰ মাজত সংঘৰ্ষ সংঘটিত হয়।
জানিব পৰা মতে অৰুণাচল প্ৰদেশৰ তিৰাপ জিলাৰ মুখ্য কাৰ্যালয় খোনছাৰ ওচৰৰ কাপু নামৰ এখন গাঁৱত এই সংঘৰ্ষ সংঘটিত হয়। এই সংঘৰ্ষই তীব্ৰ চাঞ্চল্যৰ সৃষ্টি কৰিছে সমগ্ৰ অঞ্চলজুৰি৷
অৱশ্যে, এনএছচিএনৰ কোনটো গোটৰ বিদ্ৰোহীসকল আছিল সেয়া এতিয়াও জানিব পৰা হোৱা নাই। বা এই সংঘৰ্ষৰ বিষয়ে কোনেও বিবৃতি প্ৰকাশ কৰা নাই৷ বাতৰি অনুসৰি, দেওবাৰে সন্ধিয়া প্ৰায় ৬ বজাত ঘটনাটো সংঘটিত হয়। দুয়োফালে এতিয়ালৈকে কোনো হতাহত বা আঘাতৰ খবৰ পোৱা নাই।
Continue Reading
