ডিজিটেল ডেস্কঃ টিডিপি নেতৃত্বাধীন চন্দ্ৰবাবু নাইডুৰ চৰকাৰে ভাঙিলে ৱাইএছআৰচিপিৰ মুখ্য কাৰ্যালয়। ইয়াকেলৈ ৰাজ্য খনত প্ৰতিক্ৰিয়াৰ সৃষ্টি হৈছে। শনিবাৰে পুৱা অন্ধ্ৰপ্ৰদেশৰ গুণ্টুৰ জিলাৰ টাডেপল্লীত থকা ৱাই এছ আৰ কংগ্ৰেছৰ নিৰ্মাণাধীন কেন্দ্ৰীয় মুখ্য কাৰ্যালয় অবৈধ বুলি অভিযোগ কৰি পৌৰ নিগম কৰ্তৃপক্ষই ভাঙি পেলায়। মংগলাগিৰি-তাদেপল্লী পৌৰ নিগমে পুৱা প্ৰায় ৫:৩০ বজাত এক্সকেভেটৰ আৰু বুলডজাৰেৰে কাৰ্যালয়টো ভাঙি পেলোৱাৰ কাম আৰম্ভ কৰে।
শুকুৰবাৰে ৱাই এছ আৰ চি পিয়ে চি আৰ ডি এৰ এই সন্দৰ্ভত উচ্চ ন্যায়ালয়ত আবেদন দাখিল কৰে। দলৰ এগৰাকী মুখপাত্ৰৰ মতে আদালতে কাৰ্যালয়টো ভাঙি পেলোৱা অভিযান বন্ধ কৰাৰ নিৰ্দেশ দিছে। চি আৰ ডি এ আৰু এম টি এম চিৰ বিষয়াসকলে জনোৱা মতে জলসিঞ্চন বিভাগৰ মাটিত ৱাই এছ আৰ চি পিৰ কাৰ্যালয় নিৰ্মাণ কৰা হৈছে। পূৰ্বৰ জগন মোহন ৰেড্ডী নেতৃত্বাধীন ৱাই এছ আৰ চি পি চৰকাৰৰ কাৰ্যকালত এই মাটি নামমাত্ৰ ধনৰ বিনিময়ত লিজত দিয়া বুলি দাবী কৰা হৈছিল। ইয়াৰ উপৰি প্ৰথমে চি আৰ ডি এ আৰু এম টি এম চিৰ অনুমোদন নোলোৱাকৈয়ে এই ভৱনটো নিৰ্মাণৰ কাম আৰম্ভ কৰা হৈছিল বুলিও দাবী কৰা হৈছে।
Continue Reading
