ডিজিটেল ডেস্কঃ নাগালেণ্ডৰ পৰা প্ৰত্যাহাৰ কৰা হ’ল কুকুৰৰ মাংসৰ বিক্ৰীত থকা নিষেধাজ্ঞা৷ যোৱা তিনি বছৰ ধৰি নাগালেণ্ডত কুকুৰৰ মাংসৰ বিক্ৰী আৰু ৰপ্তানিত নিষেধাজ্ঞা জাৰি কৰা হৈছিল৷ বুধবাৰে গৌহাটি উচ্চ ন্যায়ালয়ৰ কোহিমা বিচাৰপীঠে এই নিষেধাজ্ঞা প্ৰত্যাহাৰ কৰে৷
ন্যায়াধীশ মাৰ্লি ভানকুঙে কয় যে ৰাজ্য চৰকাৰে কুকুৰৰ মাংসৰ বিক্ৰী এনেদৰে বন্ধ কৰিব নোৱাৰে৷ কিয়নো এই সন্দৰ্ভত কোনো আইন নাই। ইয়াৰ ঠিক পিছতে চৰকাৰৰ আদেশটো প্ৰত্যাহাৰ কৰাৰ নিৰ্দেশ দিয়ে৷ উচ্চ ন্যায়ালয়ে ৰায় দিয়ে যে চৰকাৰে এই সন্দৰ্ভত কোনো আইন গৃহীত নকৰাকৈ কুকুৰৰ মাংস বিক্ৰী আৰু ৰপ্তানিৰ ওপৰত নিষেধাজ্ঞা আৰোপ কৰিছিল।
উচ্চ ন্যায়ালয়ে লগতে কয় যে নাগালেণ্ড চৰকাৰে খাদ্য সুৰক্ষা আইনৰ অধীনত নিষেধাজ্ঞাৰ নিৰ্দেশ দিছিল, কিন্তু এই আইনত তেনে কোনো ক্ষমতা নাই।ফেডাৰেচন অৱ ইণ্ডিয়ান এনিমেল প্ৰটেকশন অৰ্গেনাইজেচনৰ সদস্যসকলে কুকুৰৰ মাংস বিক্ৰী নিষিদ্ধ কৰাৰ দাবীত দীৰ্ঘদিন ধৰি আন্দোলন কৰি আহিছে। কেইবাটাও পশু প্ৰেমী সংগঠনেও একেটা দাবীয়েই কৰি আহিছে ৷এনে দাবীৰ মাজতে উত্তৰ-পূবৰ ৰাজ্যখনত কুকুৰৰ মাংসৰ বিক্ৰী আৰু ৰপ্তানি নিষিদ্ধ কৰা হৈছিল।
Continue Reading
