ডিজিটেল ডেস্ক
যোৱা তিনিমাহত বিভিন্ন গোচৰ সন্দৰ্ভত অভিযান চলাই ইডিয়ে প্ৰায় ১০০ কোটি নগদ ধন উদ্ধাৰ কৰিছে৷ শেহতীয়াকৈ, এটা মোবাইল গেমিং এপ্লিকেচন সম্পৰ্কীয় জালিয়াতিৰ গোচৰত কলকাতাস্থিত এজন ব্যৱসায়ীৰ বাসগৃহৰ পৰা পুনৰ ১৭ কোটিতকৈয়ো অধিক ধন জব্দ কৰে ইডিয়ে৷
ইডিৰ বিষয়াসকলে উদ্ধাৰ কৰা নগদ ধন গণনা কৰিবলৈ মুদ্ৰা গণনা যন্ত্ৰৰ সৈতে প্ৰায় আঠজন বেংক বিষয়াক মাতি অনা হৈছিল। যোৱা সপ্তাহবোৰত, বিত্তীয় তদন্তকাৰী সংস্থাটোৱে পশ্চিম বংগ এছ এছ চি কেলেংকাৰীৰ সন্দৰ্ভত নিলম্বিত মন্ত্ৰী পাৰ্থ চেটাৰ্জীৰ সহায়ক অৰ্পিতা মুখাৰ্জীৰ এপাৰ্টমেণ্টৰ পৰাও নগদ ৫০ কোটি টকা উদ্ধাৰ ধৰি কৰিছিল৷ইয়াৰ পূৰ্বতে কোনো তদন্তকাৰী সংস্থাই এনে বৃহৎ পৰিমাণৰ ধন জব্দ কৰাৰ নজিৰ নাই৷
অৰ্পিতা মুখাৰ্জীৰ ঘৰত উদ্ধাৰ হোৱা অবৈধ ধনৰ গণনা প্ৰায় ২৪ ঘণ্টা ধৰি চলিছিল৷ আনকি বেংক বিষয়াসকলেও জব্দ কৰা নগদ ধন গণনা কৰি কৰি ভাগৰি পৰিছিল।
ইয়াৰ আগতে, ইডি বিষয়াসকলে ঝাৰখণ্ড খনন কেলেংকাৰীত নগদ ২০ কোটি টকা জব্দ কৰিছিল৷
বিত্তীয় অনুসন্ধান সংস্থাটোক ধন জব্দ কৰিবলৈ অনুমতি দিয়া হৈছে যদিও তেওঁলোকে উদ্ধাৰ কৰা নগদ ধন তেওঁলোকৰ ওচৰত ৰাখিব নোৱাৰে। আইন অনুসৰি অনুসৰি, যেতিয়াই সংস্থাটোৱে নগদ ধন উদ্ধাৰ কৰে, অভিযুক্তক নগদ ধনৰ উৎস ব্যাখ্যা কৰাৰ সুযোগ দিয়া হয়। যদি সন্দেহযুক্ত ব্যক্তিজনে বৈধ উত্তৰেৰে অনুসন্ধানকাৰীসকলক সন্তুষ্ট কৰাত ব্যৰ্থ হয়, নগদ ধনক হিচাপ বিহীন নগদ ধন আৰু অসৎ উপায়েৰে উপাৰ্জন কৰা ধন হিচাপে গণ্য কৰা হয়।
পৰৱৰ্তী সময়ত, অবৈধ ধনৰ লেন-দেন প্ৰতিৰোধ আইনৰ (পিএমএলএ) অধীনত জব্দ কৰা হয় আৰু ইডিয়ে ভাৰতীয় ষ্টেট বেংকৰ বিষয়াসকলক উদ্ধাৰ হোৱা মুদ্ৰা গণনা কৰিবলৈ আহ্বান জনায়। নোট গণনা যন্ত্ৰ এটাৰ সহায়ত, নোট গণনা কৰা হয়৷ ইয়াৰ পিছত বেঙ্ক বিষয়াসকলৰ উপস্থিতিত ইডিৰ বিষয়াসকলৰ দ্বাৰা জব্দ ধনৰ তালিকা প্ৰস্তুত কৰা হয়।
অৱশ্যে, জব্দ কৰা ধন প্ৰৱৰ্তন সঞ্চালকালয়, বেংক বা চৰকাৰে ব্যৱহাৰ কৰিব নোৱাৰে। যিজন ব্যক্তিৰ পৰা অবৈধ ধন উদ্ধাৰ কৰা হয়, সেই ব্যক্তিজনৰ ওপৰত আৰোপ কৰা গোচৰটোৰ বিচাৰ প্ৰক্ৰিয়া সমাপ্ত নোহোৱালৈকে ধন বেঙ্কৰ অধীনত থাকে। যদি অভিযুক্তজন দোষী সাব্যস্ত হয়, তেন্তে নগদ ধনৰাশি কেন্দ্ৰৰ সম্পত্তি হৈ পৰে আৰু যদি অভিযুক্তক আদালতে নিৰ্দোষী সাব্যস্ত কৰে, তেন্তে নগদ ধন ঘূৰাই দিয়া হয়।
Continue Reading
