ডিজিটেল ডেস্ক
এজন স্বয়ম্ভু ভগৱানৰ কাণ্ডই জোঁকাৰি গৈছে সমগ্ৰ দেশ! বিগত ৪ বছৰ ধৰি এগৰাকী মহিলাক ধৰ্ষণ কৰি আছিল এই জন স্বয়ম্ভু ভগৱানে৷ জানিব পৰা মতে, কিশোৰী অৱস্থাৰ পৰাই স্বয়ম্ভু ভগৱানজনে ধৰ্ষণ কৰি আহিছিল মহিলাগৰাকীক। অৱশ্যে , নিজকে স্বয়ম্ভু গডমেন বুজি প্ৰচাৰ কৰি থকা ব্যক্তিজনক আৰক্ষীয়ে আটক কৰিবলৈ সক্ষম হৈছে৷
এই স্বয়ম্ভু ভগৱানজনৰ প্ৰকৃত নাম সুৰেশ কুমাৰ ৰবীন্দ্ৰ নাৰায়ণ৷মহাৰাষ্ট্ৰৰ মুম্বাইৰ এগৰাকী মহিলাক দীৰ্ঘদিন ধৰি ধৰ্ষণ কৰিছিল সুৰেশ কুমাৰে৷ এইজন স্বঘোষিত গডমেনৰ বয়স ৫৮ বছৰ৷ দেওবাৰে মুম্বাই আৰক্ষীয়ে আটক কৰে এই ধৰ্ষণকাৰীজনক৷
আন স্থানীয় লোকৰ পৰামৰ্শ অনুসৰি নিজৰ পৰিয়ালৰ সমস্যা সমাধানৰ বাবে এই স্বয়ম্ভু ভগৱানৰ কাষ চাপিছিল ভুক্তভোগী মহিলা গৰাকীৰ পৰিয়ালে৷
তাৰ পিছৰে পৰা নানা চল - চাতুৰীৰে ২০১৯ চনৰ পৰা যুৱতীগৰাকীক কেইবাবাৰো ধৰ্ষণ কৰি আহিছিল স্বয়ম্ভু গডমেনজনে৷। এই ধৰ্ষণকাণ্ডৰ আৰম্ভণি পৰ্যায়ত কিশোৰী অৱস্থাত আছিল মহিলাগৰাকী। আনকি আপত্তিজনক ফটোও তুলিছিল মহিলাগৰাকীৰ৷ ইণ্টাৰনেটত সেই ছবিবোৰ আপলোড কৰাৰ ভাবুকি দি বিগত ৪ বছৰে ধৰি গডমেনজনে চলাই গৈছিল ধৰ্ষণকাণ্ড৷
কোৱা হয়,এশ গৰু মাৰিলে বাঘৰো মৰণ৷ অৱশেষত স্বয়ম্ভু গডমেনজনৰো একেই গতি হ’ল৷ সুদীৰ্ঘ চাৰি বছৰৰ মুৰত পৰিয়ালৰ লোকে পোহৰলৈ আনিলে গডমেনজনৰ ঘৃণনীয় কাণ্ড৷ আৰু পৰিয়ালৰ
অভিযোগৰ অনুসৰি ১১ ছেপ্টেম্বৰত ভাৰতীয় দণ্ডবিধি আৰু যৌন অপৰাধ আৰু শিশুৰ সুৰক্ষা (পকচো) আইনৰ অধীনত ধৰ্ষণ আৰু অন্যান্য অপৰাধ সংঘটিত কৰাৰ বাবে স্বয়ম্ভু গডমেন সুৰেশ কুমাৰ ৰবীন্দ্ৰ নাৰায়ণ অৱস্থীক আৰক্ষীয়ে গ্ৰেপ্তাৰ কৰে৷ বৰ্তমান যুৱতী গৰাকীৰ পৰিয়ালে কঠোৰ শাস্তিৰ দাবী কৰিছে এই অপৰাধীজনৰ৷
Continue Reading
