ডিজিটেল ডেস্কঃ বলীউডৰ মোহময়ী অভিনেত্ৰী তথা সদ্যতে মাতৃত্বৰে গৌৰৱান্বিত হোৱা মোহময়ী অভিনেত্ৰী আলিয়া ভাটে আজি জীৱনৰ ডেৰকুৰি বসন্ত অতিক্ৰম কৰে৷
ইনষ্টাগ্ৰামত আলিয়াৰ এটা অনুৰাগী পেজে প্ৰকাশ কৰা ফটো অনুসৰি কালি নিশা আলিয়াই ফুল আৰু ফলেৰে সুসজ্জিত এটা কেক কাটি জন্মদিন উৎযাপন কৰে৷ কেকটোৰ আকৃতি ইংৰাজী বৰ্ণমালাৰ ৩০ আকৃতিৰ আছিল৷ আলিয়াৰ পিন্ধনত আছিল এযোৰ সাধাৰণ পাইজামা আৰু কেক কটাৰ সময়ত আলিয়া এখন চোফাৰ ওপৰত উপবিষ্ট হৈ আছিল৷ এই ফটোখনে অনুৰাগীৰ মাজত যথেষ্ট উৎসুকতাৰ সৃষ্টি কৰিছে৷
কেক কটাৰ পূৰ্বে আলিয়াই নিজৰ হাত দুখন যোৰ কৰি উপাস্যজনক মনত পেলোৱা ফটোখনত প্ৰত্যক্ষ কৰা হৈছে৷আলিয়াৰ সন্তান ৰাহা কাপুৰৰ জন্মৰ পিছত এইয়া আলিয়াৰ প্ৰথম জন্মদিন,শেহতীয়াকৈ ৰণৱীৰ-আলিয়াক মুম্বাই বিমানবন্দৰত প্ৰত্যক্ষ কৰা হৈছিল য’ৰপৰা তেওঁলোক আলিয়াৰ জন্মদিন উৎযাপনৰ বাবে লণ্ডন গৈছে বুলি ঠাৱৰ কৰিব পৰা গৈছে৷উল্লেখ্য যে, আলিয়াই ফটোত কটা কেকটো তেখেতৰ প্ৰিয় চকলেট কেক বুলি জানিব পৰা গৈছে৷
ইপিনে বুধবাৰে বহু বলীউডৰ ৰথী মহাৰথীয়ে আলিয়াক জন্মদিনৰ শুভেচ্ছা জ্ঞাপন কৰে৷আলিয়াৰ শাহুৱেক নিতু কাপুৰে "হেপ্পী বাৰ্থডে বহুৰাণী" বুলি জন্মদিনৰ শুভেচ্ছা আলিয়াক জ্ঞাপন কৰে৷ আলিয়াৰ নন্দেক ৰিধিমা কাপুৰ, আলিয়াৰ প্ৰিয়বান্ধৱী আকাংক্ষা ৰঞ্জন কাপুৰ,অভিনেত্ৰী চ’নম কাপুৰ,অনুস্কা শৰ্মা লগতে কৰীণা কাপুৰেও নিজৰ সামাজিক মাধ্যমৰ একাউণ্টৰ পৰা আলিয়াক জন্মদিনৰ শুভেচ্ছা জ্ঞাপন কৰে৷
ইতিমধ্যে আলিয়া ভাটে অভিনয় কৰা এছ এছ ৰাজামৌলীৰ দ্বাৰা পৰিচালিত আৰ আৰ আৰ বোলছবিখনৰ "নাট্টু নাট্টু" গীতটোৱে ২০২৩বৰ্ষৰ শ্ৰেষ্ঠ মৌলিক গীতৰ শিতানত অস্কাৰ বটাঁ লাভ কৰিছে৷
Continue Reading
