বৰ্তমান ভাৰতীয় টেলিভিছন উদ্যোগৰ অন্যতম ডাঙৰ তাৰকা কপিল শৰ্মা। ‘দ্য কপিল শৰ্মা শ্ব’’ৰ জৰিয়তে তেওঁ বিখ্যাত হৈ পৰিল। এই শ্ব’টোৰ বাবে তেওঁ লাখ লাখ টকা লয়। কপিল শৰ্মা

Listen to Article

2 min read

80%

ডিজিটেল ডেস্কঃ বৰ্তমান ভাৰতীয় টেলিভিছন উদ্যোগৰ অন্যতম ডাঙৰ তাৰকা কপিল শৰ্মা। ‘দ্য কপিল শৰ্মা শ্ব’’ৰ জৰিয়তে তেওঁ বিখ্যাত হৈ পৰিল। এই শ্ব’টোৰ বাবে তেওঁ লাখ লাখ টকা লয়। কপিল শৰ্মা ৩০০ কোটি টকাৰ সম্পত্তিৰ মালিক বুলি এক খবৰ প্ৰকাশ পাইছিল। এনেধৰণৰ দাবীৰ প্ৰকৃত সত্য উন্মোচিত হৈছে।

অতি কম সময়ৰ ভিতৰতে সৰ্বশ্ৰেষ্ঠ উপাৰ্জনকাৰী অনুষ্ঠানত পৰিণত হৈছে কপিল শৰ্মা শ্ব’। ইয়াত কেৱল কপিল শৰ্মাই নহয়, শ্ব’টোৰ বিভিন্ন ক্ৰুৱেও বিশাল ধনৰাশি উপাৰ্জন কৰে। এতিয়া প্ৰশ্ন হয় কপিল শৰ্মাৰ হাতত সঁচাকৈয়ে ৩০০ কোটি টকাৰ সম্পত্তি আছে নেকি?

কপিল শৰ্মাক সোধা হৈছিল, আপুনি এতিয়া ৩০০ কোটি টকাৰ মালিক, আপুনি অন্যতম দামী তাৰকা, এতিয়া আৰু কি বিচাৰে? ৩০০ কোটি টকাৰ কথা শুনি প্ৰথমতে আচৰিত হৈছিল কপিল শৰ্মা। এই বক্তব্যত হাঁহি হাঁহি কপিল শৰ্মাই কয়, "মই বহুত টকা হেৰুৱাইছো... কিন্তু, সঁচা কথা ক'বলৈ গ'লে মই এইবোৰৰ কথা নাভাবো। মই জানো যে মোৰ এটা ঘৰ আছে, এখন গাড়ী আছে, মোৰ এটা পৰিয়াল আছে, আৰু সেইটোৱেই ডাঙৰ কথা। অৱশ্যে মই কোনো সাধু নহয়। ভাল টকাৰ প্ৰস্তাৱ পালে মই নাকচ নকৰো। মোৰ মানসিকতা এতিয়াও দৰমহাকেন্দ্ৰিক। মই নিজকে মধ্যবিত্তীয় দৰমহা পোৱা মানুহ বুলি ভাবো। মোৰ পত্নীয়ে বস্তুত টকা খৰচ কৰি ভাল পায়, কিন্তু মই নকৰোঁ। মোৰ পত্নী বহুত আঢ্যৱন্ত পৰিয়ালৰ কিন্তু মই তেনেকুৱা নহয়। গতিকে কথাটো বেলেগ।"

লগতে কপিলে কয় ''টকা থকা কাম আহিলে মই গ্ৰহণ কৰো। কাৰণ সেইটোৱেই মোৰ জীৱিকা। মই ল’বই লাগিব।''