ডিজিটেল ডেস্ক
এইবাৰ দুৰ্গাৰ হাতত ত্ৰিশূল নহয়,দেখা গ’ল তৃণমূল দলৰ পতাকা৷দেৱী প্ৰতিমাক এনে ব্যতিক্ৰমী ৰূপত কলকাতাত দেখা গৈছে৷ এনে ব্যতিক্ৰমী ৰূপৰ বাবে দেৱী মূৰ্তিয়ে সকলোৰে দৃষ্টি সহজেই আকৰ্ষণ কৰিবলৈ সক্ষম হৈছে যদিও ইয়াকে কেন্দ্ৰ কৰি সৃষ্টি হৈছে যথেষ্ট বিতৰ্কৰো৷
ত্ৰিশূলৰ পৰিৱৰ্তে দুৰ্গাৰ হাতত তৃণমূলৰ পতাকা আৰি দিছিল তৃণমূল দলৰে এজন নেতাই৷ নেতাজনে এই ঘটনাটোক লৈ এতিয়া সকলোতে বিতৰ্কৰ সৃষ্টি হৈছে৷ঘটনাটো শুক্ৰবাৰে হুগলীৰ গুৰাপৰ হাচামপুৰত সংঘটিত হৈছিল।
দুৰ্গাই হাতত তৃণমূল দলৰ পতাকা লৈ থকা এই ফটোখন ছ’চিয়েল মিডিয়াত বহুলভাৱে সম্প্ৰচাৰিত হোৱাৰ লগে লগে বিজেপিয়েও দলটোক যথেষ্ট সমালোচনা কৰিবলৈ আৰম্ভ কৰিছে ।
দেৱী মূৰ্তিটোক মণ্ডপৰ পৰা পেণ্ডেললৈ লৈ যোৱাৰ সময়তে এই ঘটনাটো সংঘটিত হৈছিল৷ সেই সময়ত গুৰাপৰ হাচামপুৰৰ বাসিন্দা আৰু তৃণমূলৰ পঞ্চায়তৰ সদস্য লক্ষ্মণ মণ্ডলে ভানখনত থকা দুৰ্গা মূৰ্তিটোক টি এম চিৰ পতাকা প্ৰদান কৰে।
তেওঁ কিয় মূৰ্তিটোক দলৰ পতাকা প্ৰদান কৰিছিল বুলি সোধাত লক্ষ্মণে কয় যে , "বাৰাৱাৰী পূজাক ৬০,০০০ টকাৰ অনুদান দিয়া হৈছে। সেই কাৰণে আমি আজি উপাসনা কৰিব পাৰোঁ। দিদীয়ে সকলোতে উন্নয়ন কৰাৰ বাবেই আমি মূৰ্তিটোক দলৰ পতাকা হস্তান্তৰ কৰিছো। আমি বিচাৰো যে দিদিয়ে এনে ধৰণৰ উন্নয়নমূলক কাম অব্যাহত ৰাখে। ''
Continue Reading
