ডিজিটেল ডেস্ক: মৃত্যু এক তিক্ত সত্য৷যিদৰে জন্ম সহজ নহয় ঠিক সেইদৰে মৃত্যুও সহজ নহয়৷সহজ নহয় জীয়াই থকাও৷ জীৱন মৰণৰ এই যুঁজত জয়ী হ’ল এটা ২১ বছৰীয়া পোহনীয়া ভাটৌ চৰাই৷ প্ৰাপ্ত তথ্য অনুসৰি মধ্য প্ৰদেশৰ সতনা জিলাত পশু চিকিৎসকে এটা ২১ বছৰীয়া ভাটৌ চৰাইৰ টিউমাৰ সফলতাৰে অস্ত্ৰোপচাৰ কৰি প্ৰাণ ৰক্ষা কৰে৷
প্ৰায় ছমাহ আগতে ভাটৌ চৰাইটোৰ গৰাকীয়ে চৰাইটোৰ ডিঙিত অস্বাভৱিক ভৱে ফোলি অহা লক্ষ্য কৰিছিল যাৰ বাবে ভালকৈ কথা ক’ব নোৱাৰাৰ লগতে খাদ্যও খাব পৰা নাছিল। ইয়াৰ পাছতে ভাটৌ চৰাইটোৰ গৰাকীয়ে চিকিৎসাৰ বাবে জিলা পশু চিকিৎসালয়ৰ চিকিৎসকৰ সৈতে যোগাযোগ কৰে। পশু চিকিৎসকে পৰীক্ষাৰ অন্তত টিউমাৰ বুলি ধৰা পেলাই আৰু অপাৰেচনৰ পৰামৰ্শ দিয়ে।
পশু চিকিৎসকে প্ৰায় দুঘণ্টা ধৰি ভাটৌ চৰাইটোৰ অস্ত্ৰোপচাৰ কৰি প্ৰায় ২০ গ্ৰাম ওজনৰ টিউমাৰটো ডিঙিৰ পৰা সফলতাৰে আঁতৰাই পেলায়। সম্প্ৰতি কপৌটো সুস্থ বুলি জানিবলৈ দিছে৷ লগতে পশু চিকিৎসকগৰাকীয়ে কয় যে জিলাখনত এইটোৱেই প্ৰথম চৰাইৰ টিউমাৰ ঘটনা।
চিকিৎসাৰ পাছত পোহনীয়া ভটৌ চৰাইটো সম্পূৰ্ণ সুস্থ হৈ উঠিছে বুলি জানিব পৰা গৈছে৷টিউমাৰ বাবে বহু কষ্ট খাই থকাৰ পাছত অৱশেষত ভাটৌ চৰাইটোৱে স্বাভাৱিক জীৱন ঘুৰই পালে৷
Continue Reading
