ডিজিটেল ডেস্কঃ টকাৰ নিম্মগামী মান নিয়ন্ত্ৰণ কৰিবলৈ, বৈদেশিক মুদ্ৰাৰ ভাণ্ডাৰ বৃদ্ধি কৰি, ভাৰতীয় ৰিজাৰ্ভ বেঙ্কে বুধবাৰে ঋণত বিদেশী বিনিয়োগত শিথিলতা, বাহ্যিক বাণিজ্যিক ঋণ, আৰু অনাবাসী ভাৰতীয় (এনআৰআই) জমাসহ কেইবাটাও পদক্ষেপ ঘোষণা কৰে।
চলিত বিত্তীয় বৰ্ষত ৫ জুলাইলৈকে আমেৰিকান ডলাৰৰ বিপৰীতে টকাৰ মূল্য ৪.১ শতাংশ হ্ৰাস হৈ ৭৯.৩০ হোৱাৰ সৈতে, এফপিআইয়ে (বিদেশী পৰ্টফলিঅ' বিনিয়োগকাৰী) ছয় মাহত ২.৩২ লাখ কোটি টকা উলিয়াইছে, আৰু যোৱা ন মাহত ফৰেক্স সঞ্চয়ৰ পৰা ৫০ বিলিয়ন কটা হৈছে, এই পদক্ষেপবোৰে পুঁজিৰ উৎস অধিক বৈচিত্ৰ্যময় আৰু সম্প্ৰসাৰিত কৰিব বুলি আশা কৰা হৈছে।
আৰবিআইয়ে কৈছিল যে ই ফৰেক্স বজাৰত তৰলতাৰ স্থিতি নিবিড়ভাৱে আৰু নিৰন্তৰ ভাৱে নিৰীক্ষণ কৰি আহিছে আৰু সুশৃংখল বজাৰৰ কাৰ্যকৰীতা নিশ্চিত কৰাৰ উদ্দেশ্যৰে সকলো খণ্ডত প্ৰয়োজন অনুসৰি পদক্ষেপ লৈছে। যদিও ২৪ জুন, ২০২২ তাৰিখে ভাৰতৰ বৈদেশিক মুদ্ৰাৰ ভাণ্ডাৰ আছিল ৫৯৩.৩ বিলিয়ন আমেৰিকান ডলাৰ, এই নতুন পদক্ষেপে সকাহ দিব বুলি ধাৰণা কৰা হৈছে।
এক গুৰুত্বপূৰ্ণ পদক্ষেপত, আৰ.বি.আই.-য়ে বেংকবোৰক ৭ জুলাইৰ পৰা কাৰ্যকৰী হোৱাকৈ সূতৰ হাৰৰ ওপৰত বৰ্তমানৰ নিয়মাৱলীৰ প্ৰসংগ অবিহনে নতুন বিদেশী মুদ্ৰা অনা-আৱাসিক বেঙ্ক অৰ্থাৎ এফ.চি.এন.আৰ.(বি.) আৰু অনাবাসী বাহ্যিক (এন.আৰ.ই.) জমা বৃদ্ধি কৰিবলৈ অনুমতি দিছে। এই শিথিলতাও ৩১ অক্টোবৰ, ২০২২ ত উপলব্ধ হ'ব।
Continue Reading
