ডিজিটেল ডেস্কঃ বৰ্তমান সময়ত সকলোতে ৰণবীৰ কাপুৰ অভিনীত ‘এনিমেল’ৰ চৰ্চা চলি আছে। সফলতাৰ ৰথত উঠি এই ছবিখনে বক্স অফিচত উজ্জ্বল প্ৰদৰ্শন আগবঢ়াইছে। এই চিনেমাখনত ছুপাৰষ্টাৰ ৰণবীৰ কাপুৰ আৰু ববি দেউলৰ অভিনয়ক যথেষ্ট শলাগ লোৱা হৈছে। অভিনেত্ৰী তৃপ্তি ডিমৰিয়ে এই চিনেমাখনত অন্তৰংগ দৃশ্যত অভিনয় কৰি সকলোতে চাঞ্চল্যৰ সৃষ্টি কৰিছে। এনিমেল মুক্তি পোৱাৰ পিছত তৃপ্তিৰ ইনষ্টাগ্ৰাম ফ’ল’ৱাৰৰ সংখ্যাও যথেষ্ট বৃদ্ধি পাইছে।
তৃপ্তি ডিমৰিৰ ভাগ্য জিলিকি উঠিছে এনিমেলৰ জৰিয়তে। নিশাটোৰ ভিতৰতে তৃপ্তিৰ ইনষ্টাগ্ৰামত বহু লাখ ফ’ল’ৱাৰ বানপানী বঢ়াদি বাঢ়িল।
ৰণবীৰ কাপুৰ অভিনীত ছবি ‘এনিমেল’ ১ ডিচেম্বৰত ছবিগৃহত মুক্তি লাভ কৰিছিল। এনে পৰিস্থিতিত এতিয়া ছবিখন মুক্তি পোৱাৰ প্ৰায় ৮ দিন পাৰ হৈ গ’ল। ছবিখনে ছবিগৃহত ভাল সঁহাৰি লাভ কৰিছে। তৃপ্তি ডিমৰিৰ ইনষ্টাগ্ৰাম ফ’ল’ৱাৰৰ কথা ক’বলৈ গ’লে এনিমেল মুক্তি পোৱাৰ পূৰ্বে অভিনেত্ৰীগৰাকীৰ ইনষ্টা ফ’ল’ৱাৰৰ সংখ্যা আছিল প্ৰায় 711K।
কিন্তু ‘এনিমেল’ মুক্তি পোৱাৰ পিছত এই সংখ্যাত বিশাল পৰিৱৰ্তন আহিল। যোৱা এসপ্তাহত তৃপ্তি ডিমৰিৰ ইনষ্টাগ্ৰাম ফ’ল’ৱাৰৰ সংখ্যা ২০ লাখতকৈ অধিক বৃদ্ধি পাইছে। বৰ্তমান তৃপ্তি ডিমৰিৰ ইনষ্টা ফ’ল’ৱাৰৰ মুঠ সংখ্যা প্ৰায় ২৯ লাখ আৰু এই সংখ্যা প্ৰতি মুহূৰ্তত দ্ৰুতগতিত বৃদ্ধি পাইছে।
‘এনিমেল’ত তৃপ্তি ডিমৰিৰ ভূমিকা সৰু যদিও সেই সময়খিনিতেই যেন তেওঁ জুই জ্বলাই থৈ গ’ল। তেওঁ যি ধৰণৰ সফলতা লাভ কৰিছে সেয়া আলোচনাৰ বিষয় হৈ পৰিছে।
‘এনিমেল’ ছবিৰে সফলতাৰ সোৱাদ লোৱা তৃপ্তিক যথেষ্ট সমালোচনাও কৰা হৈছে। এনিমেল ছবিখনত ৰনবীৰ কাপুৰৰ সৈতে এক সাংঘাটিক অন্তৰংগ দৃশ্যত শ্বট দিছে তৃপ্তিয়ে। সেইবাবেই অভিনেত্ৰীগৰাকীয়ে ধাৰাবাহিকভাৱে শিৰোনাম দখল কৰি আছে।
এই দৃশ্যটোৰ বাবে কিছু ক্ষেত্ৰত ট্ৰ’ল হোৱাৰ সন্দৰ্ভত তৃপ্তি ডিমৰিয়ে কয় - তেওঁ নাভাবে যে ইয়াত তেওঁ কোনো ভুল কৰিছে। ছবিখনৰ চৰিত্ৰ অনুসৰি তেওঁ মাত্ৰ নিজৰ কাম কৰিছে।
Continue Reading
