ডিজিটেল ডেস্কঃ দেশৰ এগৰাকী জনপ্ৰিয় শিল্পী শ্বান আজি গোটেই দিনটো ছ’চিয়েল মিডিয়াত ব্যাপক সমালোচিত হৈ আছে। ইছলামধৰ্মী লোকসকলৰ পবিত্ৰ ঈদৰ দিনটোত টুপী পিন্ধি শুভেচ্ছা জ্ঞাপন কৰাৰ বাবেই বহুতে শিল্পীগৰাকীক সমালোচনাৰে থকা-সৰকা কৰিছে।
শ্বান মুখাৰ্জীয়ে শনিবাৰে তেওঁৰ অনুৰাগীসকলক ঈদ উপলক্ষে শুভেচ্ছা জনাইছিল।শনিবাৰে পুৱা, শ্বানে আল্লাৰ ওচৰত প্ৰাৰ্থনা কৰাৰ ভংগীত টুপী পিন্ধি থকা এখন ফটো পোষ্ট কৰিছিল।তেওঁ ফটোখনৰ শিৰোনাম দিছিল "ঈদ মুবাৰক টু ইউ এণ্ড ইয়ৰ ফেমিলি" ।
অৱশ্যে টুপী পিন্ধি শুভেচ্ছা জনোৱাৰ পিছতে বহুতে তেওঁক ট্ৰ'লৰ কৰিবলৈ আৰম্ভ কৰে। হিন্দু হোৱা স্বত্বেও ঈদৰ শুভেচ্ছা জনোৱাৰ বাবে বহুতে অভিনেতাজনক সমালোচনা কৰিছে।শ্বানে ট্ৰ'লবোৰৰ প্ৰতি সঁহাৰি জনাইছে আৰু উল্লেখ কৰিছিল যে তেওঁ সদায় সকলো ধৰ্মকে সমানে সন্মান কৰিবলৈ শিকিছে।শ্বানে পিছত স্পষ্ট কৰি দিছে যে ফটোখন তিনি বছৰ আগৰ, তেওঁৰ 'কৰম কাৰ্ডে' শীৰ্ষক সংগীত ভিডিঅ'ৰ পৰা সেই ফটো খন লোৱা হৈছে।
নেটিজেনৰ প্ৰতিক্ৰিয়াৰ সঁহাৰি দি শ্বানে লিখিছে "মই হিন্দু, মই এজন ব্ৰাহ্মণ। সৰুৰে পৰা, মোক সকলো উৎসৱ উদযাপন কৰিবলৈ আৰু প্ৰতিটো ধৰ্মক সন্মান কৰিবলৈ শিকোৱা হৈছে। এয়াই মই বিশ্বাস কৰোঁ আৰু এইটোকেই প্ৰতিজন ভাৰতীয়ই বিশ্বাস কৰা উচিত। বাকী আপোনাৰ চিন্তাধাৰা, মুবাৰক," । আজি দেশৰ নাগৰিকসকললৈ ঈদৰ শুভেচ্ছা আজ্ঞাপন কৰে অমিতাভ বচ্চন, স্বৰা ভাস্কৰ, হৃত্বিক ৰোশন, অক্ষয় কুমাৰ, শ্বাহিদ কাপুৰ, অজয় দেৱগন আৰু অন্যান্য বহু শিল্পীয়ে।
Continue Reading
