ডিজিটেল ডেস্কঃ চকুৰ সন্মুখতে যমদূতক দেখি লোক জনৰ জীৱ যেন উৰি গৈছিল৷ লোক জনে শৌচাগাৰত বহাৰ পিছতে তেওঁৰ মূৰৰ ওপৰতে এডাল প্ৰকাণ্ড অজগৰ সাপ দেখা পাইছিল৷ ঘটনাটো অষ্ট্ৰেলিয়াৰ কুইন্সলেণ্ডৰ৷
শৌচাগাৰত বহি থকা এজন লোকে তেওঁৰ জীৱনৰ অভিজ্ঞতাৰ সন্মুখীন হোৱাৰ কথাটো এতিয়া ৰাষ্ট্ৰ হৈ পৰিছে৷ লোকজনে স্নানাগাৰৰ শ্বাৱাৰৰ ওপৰতে এডাল বিশাল অজগৰ দেখিবলৈ পাইছিল। অত্যন্ত ভয় খোৱা লোকজনে লগে লগে হাডচন স্নেক কেচিংৰ সাপ ধৰা লোকক খবৰ দিয়াৰ ব্যৱস্থা কৰিছিল৷
প্ৰায় ছফুট দীঘল অজগৰডাল হাডচন স্নেক কেচিঙৰ এন্থনী জেকচনে ধৰিবলৈ সক্ষম হয়৷ জেকচনে কয় "অজগৰডালে মোক কামুৰিবলৈ চেষ্টা কৰিছিল। সাপডালে হয়তো মোক খাদ্য বুলি ভাবিছিল" ৷
উল্লেখ্য লোকজনৰ টয়লেটত উদ্ধাৰ হোৱা কাৰ্পেট পাইথন নামৰ অজগৰবোৰ বিষাক্ত নহয়৷
এনে সাপ ১৩ ফুটলৈকে দীঘল হয়৷ তাচমানিয়াৰ বাহিৰে অষ্ট্ৰেলিয়াৰ সকলো ঠাইতে এনে সাপ পোৱা যায়।
আৰু পঢ়ক : সংসদৰ ভিতৰতে যৌন নিৰ্যাতন!
Continue Reading
